سعودی عرب میں غیرملکی سٹارٹ اپس کی تعداد 550 ہو گئی
گزشتہ برس اسی عرصے کے مقابلے میں 118 فیصد اضافہ ہوا ہے (فوٹو: اخبار 24)
وزارت سرمایہ کاری کا کہنا ہے کہ رواں برس کے وسط تک مملکت میں غیرملکی سٹارٹ اپس کی تعداد 550 ہو گئی ہے جنہیں ’ریادی ‘ لائسنس جاری کیا گیا۔
اخبار 24 کے مطابق گزشتہ برس اسی عرصے کے مقابلے میں یہ اضافہ 118 فیصد رہا جو قومی مشترکہ کاوشوں کی وجہ سے ممکن ہوا جس کے تحت مثالی تاجروں و سرمایہ کاروں نے مملکت کو منتخب کیا۔
سرمایہ کاری کے حوالے سے مثالی پالیسیوں کے باعث غیرملکی کمپنیاں سعودی مارکیٹ میں داخل ہوئیں جس کے مثبت اثرات سامنے آنا شروع ہوگئے۔
علاوہ ازیں چھوٹے اور درمیانے سائز کے اداروں کی اتھارٹی ’منشات‘ کی جانب سے مملکت میں مختلف شعبوں میں کام کےلیے 364 لائسنس جاری کیے جس سے عالمی سطح پر تاجر اس جانب راغب ہوئے ۔
عالمی سطح پر بھی مملکت نے ’بیبان‘ اور ’لیپ‘ کانفرنسز کا انعقاد کرایا جس سے مختلف ممالک کے سرمایہ کاروں اور تاجروں کو یہاں کی مارکیٹ کے بارے میں ٹھوس معلومات حاصل ہوئیں۔ انٹرنیشنل کانفرنسز جن میں’ویب سمٹ‘ اور ’ویو ٹیک ‘ میں سعودی تاجروں سے عالمی سرمایہ کاروں کا تعارف ہوا۔
واضح رہے ’ریادی‘ لائسنس کا اجرا وزارت سرمایہ کاری کی جانب سے کیا جانے والا اقدام ہے جس کے تحت غیرملکی سٹارٹ اپس کو سرمایہ کاری کی سہولت فراہم کرنا ہے۔
کیا امارات کرپٹو کرنسی میں سرمایہ کاری پر گولڈن اقامہ دے رہا ہے؟Node ID: 891953
