امارات کا اردن کے تعاون سے غزہ میں 69 واں امدادی ایئر ڈراب آپریشن

متحدہ عرب امارات، غزہ میں محصور فلسطینیوں کی مدد کے لیے انسانی امداد کی فراہمی جاری رکھے ہوئے ہے۔

 امارات نے غزہ کی پٹی میں 69 واں ایئر ڈراپ آپریشن مکمل کیا ہے، خوراک، ہنگامی طبی امداد اور ضروری امدادی اشیا فضا سے گرائی گئی ہیں۔

وام کے مطابق یہ امدادی ایئر ڈراپ آپریشن اردن کے تعاون سے کیا جا رہا ہے، فرانس، جرمنی، بیلجیئم اور اٹلی اس میں شامل ہیں۔

یہ امدادی سامان امارات کے چیرٹی اداروں کے تعاون سے بھیجا گیا تاکہ  غزہ میں مشکل صورتحال سے دوچار فلسطینیوں کی ضروریات کو پورا کیا جا سکے۔

اس کے علاوہ تقریبا 500 ٹن غذائی اشیا سے لدے 20 ٹرک بھی  بارڈر کراسنگ کے ذریعے غزہ میں داخل ہوئے ہیں۔

اب تک مجموعی طور پر 3 ہزار 924  ٹن سے زیادہ امدادی سامان پہنچایا جا چکا ہے۔ اس میں خوراک اور اشیائے ضرورت شامل ہیں۔

 غزہ میں انسانی ہمدردی کی کوششیں متحدہ عرب امارات کی فلسطینی عوام کی سپورٹ کے عزم کو ظاہر کرتی ہیں۔

 واضح رہے غزہ میں قحط کی بدترین صورتحال سامنے آرہی ہے، وسیع پیمانے پر اموات سے بچنے کےلیے فوری اقدامات کی ضرورت ہے۔

اقوام متحدہ کا کہنا ہے کہ علاقے میں ایک لاکھ خواتین اور بچے غذائی قلت کا شکار ہیں۔