ٹریفک خلاف ورزیوں پر 7 ہزار 681 سو موٹر سائیکلیں ضبط

سعودی محکمہ ٹریفک نے متعدد خلاف ورزیوں پر مختلف شہروں سے 7 ہزار 681 موٹر سائیکلیں ضبط کی ہیں۔

سبق ویب سائٹ کے مطابق 17 اگست 2025 سے 23 اگست 2025 تک مختلف شہروں سے موٹر سائیکلیں ضبط ہوئی ہیں۔

محکمہ ٹریفک نے کہا ہے کہ ’سب سے زیادہ موٹر سائیکلیں ریاض ریجن میں ضبط ہوئی ہیں جن کی تعداد 3940 ہے‘۔

’دوسرے نمبر پر جدہ ہے جہاں سے 2084 موٹر سائیکلیں ضبط ہوئی ہیں‘۔

محکمہ ٹریفک نے کہا ہے کہ ’مدینہ منورہ میں 271، مکہ مکرمہ میں 239 ، قصیم میں 124 اور طائف میں 103 موٹر سائیکلیں ضبط ہوئی ہیں‘۔

محکمہ ٹریفک نے کہا ہے کہ ’ٹریفک قوانین کی خلاف ورزی پر موٹر سائیکل ضبط ہوگی اور یہ کسی بھی حال میں ناقابل واپسی ہے‘۔

محکمے نے موٹر سائیکل چلانے والوں کو سختی کے ساتھ ہدایت کی ہے کہ وہ ٹریفک قوانین کی پابندی کریں۔