اماراتی صدر اور امیر کویت کی ملاقات، مشرق وسطی کی صورتحال پر تبادلہ خیال
ملاقات بیان پیلس میں اماراتی صدر کے دورۂ کویت کے دوران ہوئی ہے۔(فوٹو: وام)
متحدہ عرب امارات کے صدر شیخ محمد بن زاید آل نہیان نے بدھ کو امیر کویت شیخ مشعل الاحمد الجابر الصباح سے ملاقات کی ہے۔
دونوں رہنماؤں نے خاص طور پر ترقی اور اقتصادی شعبوں میں گہرے تعلقات اور تعاون کو مزید مضبوط بنانے کے طریقوں پر تبادلہ خیال کیا۔
وام کے مطابق یہ ملاقات بیان پیلس میں اماراتی صدر کے دورۂ کویت کے دوران ہوئی ہے۔
ملاقات میں مشرق وسطی کی حالیہ صورتحال سمیت متعدد علاقائی اور بین الاقوامی امور پر تبادلہ خیال کیا گیا۔
دونوں رہنماوں نے غزہ میں جنگ بندی کو یقینی بنانے کےلیے تمام کوششوں کی سپورٹ عزم کا اظہار کیا اور زور دیا کہ دو ریاستی حل پر مبنی منصفانہ اور جامع امن ہی خطے میں پائیدار استحکام اور فلسطینی عوام کی جائز امنگوں کو پورا کرنے واحد راستہ ہے۔
انہوں نے امن و استحکام کے لیے جاری بین الاقوامی کوششوں کی سپورٹ میں ریاست فلسطین کو تسلیم کرنے والے ملکوں میں اضافے کو بنیاد بنانے کی اہیمت اجاگر کی۔
ملاقات میں خلیجی تعاون میں پیش رفت کا بھی جائزہ لیا گیا۔ جی سی سی کو مضبوط بنانے، عوام کی ترقی و خوشحالی کے لیے مشترکہ کوششوں کی سپورٹ کے عزم کا اعادہ کیا۔
قبل ازیں متحدہ عرب امارات کے صدر عزت شیخ محمد بن زاید سرکاری دورے پر کویت پہنچے تو امیر کویت شیخ مشعل الاحمد الجابر الصباح نے ان کا پرتپاک خیرمقدم کیا۔
کویتی ولی عہد شیخ صباح الخالد الحمد الصباح، وزیر اعظم شیخ احمد عبداللہ الاحمد الصباح اور اعلیٰ حکام بھی موجود تھے۔
