فلائی ناس جدہ اور ماسکو کے درمیان براہ راست پروازیں چلائے گی

سعودی عرب کی معروف لو بجٹ ایئرلائن فلائی ناس نے جدہ اور ماسکو کےدرمیان ایک نے براہ راست روٹ کا اعلان کیا ہے۔

جدہ اور ماسکو کے درمیان پروازیں رواں سال 23 دسمبر سے شروع کی جائیں گی۔ 

سعودی ٹورازم اتھارٹی اور ایئر کنیکٹیویٹی پروگرام کے تعاون سے شروع کیے جانے والا یہ روٹ ماسکو کے ساتھ روابط بڑھائے گا۔

جدہ کے کنگ عبدالعزیز انٹرنیشنل ایئرپورٹ اور ماسکو کے ونوکوو انٹرنیشنل ایئرپورٹ کے درمیان ہفتے میں تین پروازیں چلائی جائیں گی۔

یاد رہے کہ فلائی ناس نے اگست میں ماسکو اور ریاض کے درمیان براہ راست پروازوں کا آغاز کیا تھا۔

 فلائی ناس، دونوں ملکوں کے درمیان براہ راست فضائی سفر کےلیے مسافروں ایک اضافی اور آسان آپشن فراہم کررہی ہے۔

یہ اقدام فلائی ناس کی ترقی اور توسیع کےلیے سٹرٹیجک پلان کے فریم ورک کا حصہ ہے۔

 سعودی ایوی ایشن کی حکمت عملی 250 بین الاقوامی مقامات کو مملکت سے جوڑنے کے ساتھ 2030 تک 330 ملین مسافروں تک پہنچنے اور سالانہ 100 ملین سیاحوں کو راغب کرنے میں مدد دے گی۔

یاد رہے فلائی ناس مملکت سے وسطی ایشیا کے لیے براہ راست پروازیں چلانے والی سب سے بڑی سعودی  ایئرلائن ہے۔