مسجد الحرام میں افطار کےلیے لائسنس یافتہ کیٹرنگ سروسز سے درخواستیں طلب

ادارہ امور حرمین نے ماہ رمضان میں افطار کے لیے لائسنس یافتہ کیٹرنگ سروسز سے درخواستیں طلب کی ہیں۔

عاجل نیوز کے مطابق مسجد الحرام اور مسجد نبوی میں ماہ رمضان میں افطاری کے لیے ادارے کی جانب سے شرائط مقرر کی گئی ہیں۔

ادارہ امور حرمین کا کہنا ہے’ کارآمد لائسنس رکھنے والی وہ کمپنیاں جن پر کسی قسم کی صحت خلاف ورزی درج نہیں وہ اپنی خدمات فراہم کرنے کے لیے مقررہ ضوابط پرعمل کرتے ہوئے درخواست 10 رجب بمطابق 30 دسمبر 2025 تک جمع کرا سکتی ہیں۔‘

 افطار دسترخوان کےلیے کیٹرنگ کمپنی کو ضمانت دینی ہوگی کہ وہ کم ازکم یومیہ 10 ہزار مقررہ فوڈ پیکٹس فراہم کرنے کی صلاحیت رکھتی ہے۔

واضح رہے زائرین کی سیفٹی یقینی بنانے کے لیے سخت ہیلتھ سٹینڈرز کی پابندی کرتے ہوئے حرمین شریفین کے مختص ایریاز میں افطار پیکٹس تقسیم کیے جاتے ہیں۔

 اتھارٹی رمضان سے پہلے ایک آن لائن پورٹل کا آغاز کرے گی۔ افراد، چیریٹی تنظیموں سے مسجد الحرام میں افطاردسترخوان کا انتظام کرنے کے لیے درخواستیں لی جائیں گی۔