جمعہ 16 جنوری کو روپے کے مقابلے میں ڈالر، سعودی ریال سمیت اہم کرنسیوں کی قیمت

پاکستان کی انٹربینک مارکیٹ میں پاکستانی روپے کے مقابلے میں امریکی ڈالر کی قیمت میں معمولی کمی ریکارڈ کی گئی ہے، جبکہ سعودی ریال سمیت دیگر اہم کرنسیوں کی قیمتوں میں بھی ردوبدل دیکھنے میں آیا ہے۔ 

سٹیٹ بینک آف پاکستان کے مطابق جمعے کو انٹربینک مارکیٹ میں پاکستانی روپے کے مقابلے میں امریکی ڈالر کی قیمت میں آج بھی صرف ایک پیسہ کمی آئی ہے جس کے بعد اس کی نئی قیمت 279 روپے 95 پیسے ہو گئی ہے، جبکہ گذشتہ دن جمعرات  کو اس کی قیمت 279 روپے 96 پیسے ریکارڈ کی گئی تھی۔ 

انٹربینک مارکیٹ میں سعودی ریال کی قدر 74 روپے 65 پیسے، اماراتی درہم 76 روپے 21 پیسے اور بحرینی دینار کی قدر 742 روپے 56 پیسے ریکارڈ کی گئی۔

اسی طرح عمانی ریال کی قدر 727 روپے 17 پیسے، کویتی دینار کی 915 روپے 47 پیسے اور قطری ریال کی قیمت 76 روپے 85 پیسے رہی۔

دوسری جانب فاریکس ایسوسی ایشن آف پاکستان  کے مطابق اوپن مارکیٹ میں جمعے کو امریکی ڈالر کی قیمت خرید 280 روپے 65 پیسے جبکہ قیمت فروخت 282 روپے 75 پیسے ریکارڈ کی گئی۔

سعودی ریال کی قیمت خرید 74 روپے 9 پیسے جبکہ قیمت فروخت 75 روپے 3 پیسے اور اماراتی درہم کی قیمت خرید 76 روپے 6 پیسے جبکہ قیمت فروخت 77 روپے 2 پیسے رہی۔