سعودی وزیر دفاع شہزادہ خالد بن سلمان سے جمعرات کو ریاض میں پاکستان کے آرمی چیف، چیف آف ڈیفنس فورسز، فیلڈ مارشل عاصم منیر نے ملاقات کی۔
شہزادہ خالد بن سلمان نے ایکس اکاونٹ پر پوسٹ میں لکھا’ فیلڈ مارشل عاصم منیر سے ملاقات کا مقصد ہمارے مضبوط تعلقات اور سٹرٹیجک دفاعی شراکت داری کا اعادہ کرنا تھا۔‘
ہم نے اپنے مشترکہ مفادات کے مطابق بین الاقوامی امن و سلامتی کو فروغ دینے کےلیے مشترکہ کوششوں پر بات کی۔
ایس پی اے کے مطابق ملاقات میں باہمی دلچسپی کے متعدد امور پر بھی تبادلہ خیال کیا گیا۔
اس موقع پر نائب وزیر دفاع شہزادہ عبدالرحمن بن محمد بن عیاف، چیف آف دی جنرل سٹاف لیفٹیننٹ جنرل فیاض بن حامد الرویلی، وزیر دفاع کے مشیر برائے انٹیلی جنس امور ھشام بن عبدالعزیز موجود تھے۔
پاکستان کی طرف سے چیف آف ڈیفنس فورسز اور آرمی چیف کے سیکرٹری میجر جنرل جواد طارق اور مملکت میں پاکستانی سفارتخانے کے ملٹری اتاشی بریگیڈیئر محسن جاوید شامل تھے۔
Met with Pakistan’s Chief of Army Staff and Chief of Defense Forces, Field Marshal Asim Munir, to reaffirm our strong relations and strategic defense partnership. We discussed our joint efforts to promote global peace and security in a manner that serves our shared interests. pic.twitter.com/3oCFI2t6RR
— Khalid bin Salman خالد بن سلمان (@kbsalsaud) February 12, 2026
یاد رہے گزشتہ برس پاکستان اور سعودی عرب انتہائی اہم نوعیت کے ’سٹریٹجک باہمی دفاعی معاہدہ‘ پر دستخط کیے تھے۔ معاہدے کا مقصد مشترکہ دفاع و تحفظ کو مضبوط بنانا ہے۔
یہ معاہدہ دونوں ممالک کی سلامتی کو بڑھانے، خطے، دنیا میں سلامتی اور امن کے حصول کے لیے مشترکہ عزم کی عکاسی کرتا ہے۔
