اتوار کے روز دبئی، منامہ اور دوحہ کے علاقوں میں دوسری دن بھی کئی زور دار دھماکوں کی آوازیں سنی گئیں۔
ایران امریکی اور اسرائیلی حملوں کے جواب میں پڑوسی خلیجی ریاستوں پر جوابی حملے کر رہا ہے۔ اتوار کو دبئی، منامہ اور دوحہ کے علاقوں میں آج دوسرے دن بھی کئی زوردار دھماکوں کی آوازیں سُنی گئی ہیں۔
خبر رساں ایجنسیوں کے مطابق ایران نے کہا ہے کہ وہ خطے میں امریکی اڈوں کو نشانہ بنائے گا اور اس نے متعدد دیگر اہداف پر بھی حملے کیے۔
جب سنیچر کو ایران نے امریکی اور اسرائیلی حملوں کے جواب میں متعدد حملے شروع کیے تو دھماکوں نے خلیج کے شہروں کو ہلا کر رکھ دیا۔
ان حملوں کے نتیجے میں ابوظبی میں دو افراد ہلاک ہوئے جبکہ دبئی کے مشہور مقام ’دی پام‘ سے دھوائیں کے بادل اور شعلے اُٹھتے دکھائی دیے۔
ان حملوں میں ابوظہبی، دبئی اور کویت کے ہوائی اڈوں کے ساتھ ساتھ خلیج میں فوجی اڈوں اور رہائشی علاقوں کو بھی نشانہ بنایا گیا جس سے بڑے پیمانے پر تنازع کے خدشات پیدا ہو گئے اور طویل عرصے سے امن اور تحفظ کی علامت سمجھے جانے والا خطہ بھی لرز اُٹھا۔
