پی ایس ایل 11: ملتان سلطانز نے کراچی کنگز کو 11 رنز سے شکست دے دی

پاکستان سپر لیگ (پی ایس ایل) کے 28ویں میچ میں ملتان سلطانز نے کراچی کنگز کو 11 رنز سے شکست دے دی ہے۔

اتوار کو کراچی کے نیشنل کرکٹ سٹیڈیم میں ملتان سلطانز کے 207 رنز کے ہدف کے تعاقب میں کراچی کنگز مقررہ 20 اوورز میں 196 رنز بنا کر آؤٹ ہو گئی۔

کراچی کنگز کی جانب سے ریزہ ہینڈرکس 49 رنز کے ساتھ نمایاں رہے جبکہ ملتان سلطانز کی جانب سے عرفات منہاس نے تین وکٹیں حاصل کی۔

اس سے قبل کراچی کنگز کی دعوت پر ملتان سلطانز نے پہلے بیٹنگ کرتے ہوئے مقررہ 20 اوورز میں سات وکٹوں کے نقصان پر 207 رنز بنا ئے تھے۔

ملتان سلطانز کی جانب سے شان مسعود 46 رنز کے ساتھ نمایاں رہے تھے۔

ملتان سلطانز کی اننگز

ملتان سلطانز کی جانب سے اویس ظفر نے 36 رنز سکور کیے جبکہ سٹیون سمتھ بغیر کوئی رن بنائے آؤٹ ہوگئے۔

اسی طرح سے جوش فلپ نے 44 رنز کی جارحانہ اننگز کھیلی جبکہ شان مسعود نے 46 رنز بنائے۔

کپتان ایشٹن ٹرنر 11 رنز بنا کر آؤٹ ہوئے۔ عرفات منہاس نے 17 رنز بنائے جبکہ محمد نواز نے 12 رنز کا اضافہ کیا۔

آخر میں محمد عمران نے آٹھ گیندوں پر ناقابلِ شکست 26 رنز کی تیز اننگز کھیلی جبکہ محمد وسیم نے سات رنز بنائے۔

کراچی کنگز کی جانب سے خوشدل شاہ نے تین وکٹیں حاصل کیں، جبکہ حسن علی، ایڈم زمپا اور معین علی نے ایک، ایک کھلاڑی کو آؤٹ کیا۔

کراچی کنگز کی اننگز

ملتان سلطانز کے 208 رنز کے ہدف کے تعاقب میں کراچی کنگز 19.4 اوورز میں 196 رنز بنا کر آؤٹ ہوگئی۔

کراچی کنگز کی جانب سے سعد بیگ نے 21 رنز بنائے جبکہ جیسن رائے نے 16 رنز سکور کیے جبکہ سلمان آغا صرف دو رنز بنا سکے۔

ریزا ہینڈرکس نے 49 رنز کے ساتھ نمایاں کارکردگی دکھائی جبکہ کپتان معین علی نے 27 رنز بنائے۔

خوشدل شاہ چار رنز بنا کر آؤٹ ہوئے جبکہ عباس آفریدی نے 34 رنز کی تیز اننگز کھیلی۔ شاہد عزیز کھاتہ کھولے بغیر آؤٹ ہوگئے۔

حسن علی نے آخر میں 23 رنز بنائے مگر ٹیم کو کامیابی نہ دلا سکے۔ ایڈم زمپا ایک رن بنا کر آؤٹ ہوئے جبکہ میر حمزہ ناٹ آؤٹ رہے۔

ملتان سلطانز کی جانب سے عرفات منہاس نے تین وکٹیں حاصل کیں، پیٹر سڈل نے دو جبکہ محمد عمران، ایشٹن ٹرنر اور مومن قمر نے ایک، ایک وکٹ حاصل کی۔