امریکی صدر ٹرمپ نے جنگ بندی کی مدت میں غیر معینہ مدت تک کے لیے توسیع کا اعلان کیا ہے۔
صدر ٹرمپ نے ٹروتھ سوشل پر پوسٹ میں لکھا’ وہ پاکستان کی درخواست پر اس وقت تک حملے روک کر رہے ہیں جب تک کہ ایرانی رہنما اور نمائندے ایک متفقہ تجویز سامنے نہیں لاتے۔‘
ٹرمپ نے کہا’ میں نے امریکی فوج کو ناکہ بندی جاری رکھنے اور تیار رپنے کی ہدایت کی ہے۔ جنگ بندی میں اس وقت تک توسیع کریں گے، جب تک کہ ایران کی طرف سے کوئی تجویز پیش نہیں کی جاتی اور بات چیت مکمل نہیں ہوجاتی۔‘
اس سے قبل امریکی صدر ڈونلڈ ٹرمپ نے کہا تھا کہ امریکہ، ایران کے ساتھ مذاکرات کے لیے مضبوط پوزیشن میں ہے۔
صدر ٹرمپ نے امریکی نشریاتی ادارے سی این بی سی کے ایک پروگرام میں گفتگو کرتے ہوئے اشارہ دیا تھا کہ وہ ایران کے ساتھ امریکی جنگ بندی کو کل شام کی نئی ڈیڈ لائن کے بعد بڑھانے میں زیادہ دلچسپی نہیں رکھتے۔
