امریکہ اور ایران نے اسلام آباد مفاہمتی یادداشت پر دستخط کر دیے: شہباز شریف
پاکستان کے وزیراعظم شہباز شریف کہا ہے کہ امریکہ اور ایران کے درمیان تاریخی ’اسلام آباد مفاہمتی یاد داشت‘ پر الیکٹرانک دستخط ہو گئے ہیں۔
انہوں نے جمعرات کی صبح ایکس پر ایک پوسٹ میں لکھا کہ ’میں یہ اعلان کرتے ہوئے فخر محسوس کر رہا ہوں کہ دونوں ممالک نے صدور نے اس پر دستخط کیے ہیں اور ثالث کے طور پر میں نے بھی اس کی توثیق کی ہے۔‘
ان کا کہنا تھا کہ متعلقہ حکومتوں کی جانب سے دستخط سے دونوں ممالک کا یہ عزم ظاہر ہوتا ہے کہ وہ تنازع کا سفارتی حل چاہتے ہیں۔
بیان کے مطابق ’اسلام آباد مفاہمتی یادداشت فوری طور پر نافذالعمل ہو گی اور پہلے اقدام کے طور پر ایران فوری طور پر آبنائے ہرمز کو دوبارہ کھولے گا جبکہ امریکہ بھی فوری طور پر بحری ناکہ بندی ختم کرے گا۔‘
وزیراعظم نے امریکی صدر ڈونلڈ ٹرمپ کو مبارک باد دیتے اور خراج تحسین پیش کرے ہوئے کہا کہ ان کی مخلصانہ کوششوں اور تنازع کے پرامن حل کی ترجیح نے ایک ایسے مسئلے کو کرنے میں مدد دی ہے جس کے نتائج پورے خطے بلکہ باہر کے لیے بھی تباہ کن ہو سکتے تھے۔
شہباز شریف کے مطابق ’میں ایران کی مذاکراتی ٹیم کی کوششوں کا بھی اعتراف کرتا ہوں جن میں محمد باقر قالیباف، عباس عراقچی اور سکندر مومنی شامل ہیں۔ ان کی استقامت اور تعمیری مذاکرات نے معاہدے کو پایہ تکمیل تک پہنچانے میں اہم کردار ادا کیا۔‘
انہوں نے امن کے لیے کردار ادا کرنے پر ایران کے سپریم لیڈر سید مجتبیٰ حسینی خامنہ اور صدر مسعوس پزشکیان کی دور اندیشی، تدبر اور دانشمندی کو بھی سراہا اور گہرے احترام کا اظہار کیا۔
انہوں نے معاہدے تک پہچنے میں مدد دینے پر سعودی عرب، ترکیہ، قطر اور مصر کی قیادت کے کردار کو بھی کلیدی قرار دیا اور خدمات کو سراہا۔
وزیراعظم شہباز شریف کا یہ بھی کہنا تھا کہ وہ فیلڈ مارشل سید عاصم منیر کا بھی خصوصی ذکر کرنا چاہیں گے جن کی انتھک کوششوں اور بے لوث دلچسپی نے خطے کے استحکام اور امن کے مقصد کی اس اہم پیش رفت کو ممکن بنانے میں انتہائی اہم کردار ادا کیا۔
واضح ایران اور امریکہ کے درمیان اتوار کو معاہدے طے پایا تھا جس پر جمعے کو جنیوا میں دستخط کا اعلان کیا گیا تھا جبکہ پاکستان کی جانب سے اس سے قبل الیکٹرانک دستخط کا انتظام کیا گیا تھا۔
چند روز قبل وزیراعظم شہباز شریف نے سوئٹزرلینڈ میں ہونے والی دستخط کی باضابطہ تقریب کی میزبانی پاکستان کرے گا۔
