کرفیو کا مقصد لوگوں کی سلامتی کو یقینی بنانا ہے(فوٹو، سوشل میڈیا)
محکمہ امن عامہ نے خبردار کیا ہے کہ کرفیو کے دوران گاڑی میں سوار تمام افراد پر جرمانہ ہوگا۔ شاہی فرمان پر عمل درآمد کا آغامملکت بھر میں کیاجارہا ہے ۔
ریاض،مکہ مکرمہ اور مدینہ منورہ میں کرفیو کے اوقات میں جمعرات سے اضافہ کر دیا گیا ہے جس کے بعد نئےاوقات سہہ پہر تین بجے سے صبح چھ بجے تک ہیں۔
جمعرات سے ریاض ، مکہ اور مدینہ میں کرفیواوقات میں اضافہ کردیاگیا(فوٹو، سوشل میڈیا)
سبق ویب سائٹ کے مطابق محکمہ امن عامہ نے دوبارہ تاکید کی ہے کہ سعودی دارالحکومت ریاض،مکہ مکرمہ اور مدینہ منورہ میں جمعرات سے کرفیو کے اوقات میں توسیع کردی گئی ہے۔
محکمہ امن عامہ نے واضح کیاہے کہ اگر ممنوعہ اوقات کے دوران کوئی سعودی شہری یا مقیم غیر ملکی گاڑی لے کر باہر نکلا او راس کے ہمراہ دیگر افراد بھی جو گاڑی میں ہوں گے تو ایسی صورت میں کرفیو کی خلاف ورزی کا جرمانہ ڈرائیور سمیت ان تمام افراد پر ہوگا جو گاڑی میں سوار ہوں گے۔
محکمہ امن عامہ نے تاکید کی ہے کہ کرفیو کا فیصلہ سعودیوں اور مقیم غیر ملکیوں کی صحت و سلامتی کی خاطر احتیاطی تدبیر کے طور پر کیا گیا ہے۔
یاد رہے مملکت میں مہلک وبائی مرض کورونا سے بچاو کے لیے کی جانے والی احتیاطی تدابیر اختیار کرتے ہوئے کرفیو نافذ کیا گیا ہے جس کا بنیادی مقصد سماجی روابط کو محدود کرنا اور لوگوں کو گھروں تک رکھنا ہے تاکہ وبائی مرض کورونا پر قابو پایا جاسکے۔
