Sorry, you need to enable JavaScript to visit this website.

یمنی حکومت اور حوثیوں میں قیدیوں کے تبادلے پر مذاکرات

تیسرے مرحلے پر 1420 قیدیوں کی مرحلہ وار ہائی پر بات چیت ہو گی۔(فوٹو روئیٹرز)
یمن کی آئینی حکومت نے کہا ہے کہ اس کا ایک وفد سویڈن معاہدے کے تحت حوثی باغیوں سے قیدیوں کے تبادلے پر بات چیت کے لیے جلد جنیوا  روانہ ہو گا۔
العربیہ ڈاٹ نیٹ کے مطابق یمن کی حکومت کی جانب سے جاری کردہ  بیان میں کہا گیا ہے کہ حکومت کا اعلیٰ سطحی وفد جنیوا میں اقوام متحدہ کی زیرنگرانی ہونے والے مذاکرات میں شرکت کرے گا۔

حوثی باغیوں کا وفد اقوام متحدہ کے طیارے سے جنیوا  پہنچ چکا ہے۔(فوٹو عرب نیوز)

یمن میں وزارت برائے انسانی حقوق کی طرف سے جاری کردہ ایک بیان میں کہا گیا ہے کیہ جنیوا میں ہونے والے مذاکرات میں حوثیوں کے ہاں قیدی بنائے گئے شہریوں اور سرکاری عہدیداروں کی رہائی کا میکانزم تیار کرے گا۔
یمن میں سیکریٹری برائے انسانی حقوق ماجد فضائل نے  بتایا ہےکہ  یمن کی آئینی حکومت ملک میں موجود  حوثی باغیوں کے ساتھ  قیدیوں کے تبادلے کے لیے  مذاکرات کرنے کے لیے تیار ہے۔
مزید پڑھیں
حکومت اور حوثی باغیوں کے درمیان مذاکرات یمن میں اقوام متحدہ کے ہائی کمیشن اور ریڈ کراس کی معاونت سے ہوں‌ گے۔
ماجد فضائل نے بتایا کہ قیدیوں کے تبادلے کی بات چیت میں تیسرے مرحلے پر 1420 قیدیوں کی مرحلہ وار ہائی پر بات چیت کی جائے گی۔
اس سلسلے میں‌ حکومت کا ایک وفد آج جمعرات کو  جنیوا  روانہ ہورہا ہے۔
قبل ازیں اقوام متحدہ کا  خصوصی طیارہ صنعاء سے حوثی باغیوں کےایک وفد کو لے کر جنیوا  پہنچ چکا ہے۔
 

شیئر: