وزیراعظم کے مشیر برائے احتساب شہزاد اکبر نے کہا ہے کہ ٹک ٹاکر حریم شاہ کے معاملے پر ایف آئی اے نے نوٹس لیا ہے اور انکوائری شروع کی ہے۔
جمعے کو نیوز کانفرنس میں ان کا کہنا تھا کہ ’منی لانڈرنگ پر مذاق نہیں بنتا۔ برطانوی کرائم ایجنسی سے بھی یہ ویڈیو شیئر کی گئی ہے تاکہ وہ بھی ریکارڈ دیکھیں۔ ایسی چیز مذاق کے قابل نہیں۔‘
حریم شاہ نے بدھ کو ویڈیو شیئرنگ ایپ ’سنیک ویڈیو‘ پر ایک ویڈیو پوسٹ کی جس میں ان کے سامنے برطانوی کرنسی کی گڈیاں موجود تھیں اور وہ پاکستانی روپے اور پاسپورٹ کی ’وقعت‘ نہ ہونے پر شکوہ بھی کررہی تھیں۔
دنیا کو قیادت، فراست، سفارت وغیرہ پر بے مغز لیکچر دینے والوں کے لئے یہ وڈیو ہی کافی ہے۔ یہ ہے اس نظام کی اصل وقعت! pic.twitter.com/53JAQrChls
— Syed Talat Hussain (@TalatHussain12) January 12, 2022