پاکستانی فلم ’جوائے لینڈ‘ آسکر کے لیے شارٹ لسٹ

پاکستانی فلم ’جوائے لینڈ‘ کو اکیڈمی نے اپنی انٹرنیشنل فیچر فلم کی کٹیگری میں آسکر ایوارڈ کے لیے نامزدگی کے لیے شارٹ لسٹ کرنے کا اعلان کیا ہے۔

جمعرات کو 95 ویں اکیڈمی ایوارڈز کے لیے 10 کٹیگریز میں 100 سے زائد ایسی فلموں کا اعلان کیا گیا جنہیں آسکر ایوارڈ کی نامزدگی کے لیے شارٹ لسٹ کر لیا گیا ہے۔

انٹرنیشل فیچر فلم کی کٹیگری میں فلم ’جوائے لینڈ‘ کا مقابلہ 14 مزید فلموں سے ہے جن میں انڈیا سے ’لاسٹ فلم شو‘ بھی شامل ہے۔

انٹرنیشنل فلم فیچر کٹیگری میں تقریباً 20 سال بعد کوئی انڈین فلم آسکرایوارڈ کی نامزدگی کے لیے شارٹ لسٹ کی گئی ہے۔ آخری مرتبہ اس کٹیگری میں شارٹ لسٹ ہونے والی انڈین فلم عامر خان کی ’لگان‘ تھی جو سنہ 2001 میں ریلیز ہوئی تھی۔

پاکستان سے آسکر ایوارڈ کی نامزدگی کے لیے شارٹ لسٹ ہونے والی فلم ’جوئے لینڈ‘ کو اپنے ملک میں شدید پریشانیوں اور پابندی کا اعلان کرنا پڑا تھا۔

تاہم نومبر میں پاکستان کے وزیراعظم شہباز شریف نے اس فلم پر عائد پابندی پر غور کرنے کے لیے ایک کمیٹی بنائی تھی جس نے فلم کو ملک بھر میں ریلیز کے لیے کلیئر قرار دیا تھا۔

’جوائے لینڈ‘ کی کہانی ایک رقاص نوجوان اور ایک خواجہ سرا کے گرد گھومتی ہے۔

یہ فلم فرانس میں منعقدہ کانز فلم فیسٹیول میں بھی نمائش کے لیے پیش کی گئی تھی اور ’جوائے لینڈ‘ کو ’جیوری ایوارڈ اَن سرٹن‘ کی کیٹیگری میں ایوارڈ بھی دیا گیا تھا۔

کانز فلم فیسٹیول کے علاوہ جوائے لینڈ فلم کینیڈا میں منعقد ہونے والے ’ٹورنٹو انٹرنیشنل فلم فیسٹیول‘ میں بھی نمائش کے لیے پیش کی گئی جہاں اس فلم کو بھرپور داد ملی۔