ہیروئن سمگل کرنے پر غیر ملکی کو سزائے موت

سعودی وزارت داخلہ نے کہا ہے کہ ہیروئن سمگل کرنے پر غیر ملکی پر سزائے موت کا فیصلہ نافذ کر دیا گیا ہے۔

سعودی پریس ایجنسی کے مطابق وزارت داخلہ نے کہا ہے کہ ’پاکستانی تارک وطن محمد کرم محمد افضل کو ہیروئن سمگل کرتے ہوئے گرفتار کیا گیا تھا‘۔

وزارت نے کہا ہے کہ ’تمام ثبوت اور دلائل کے ساتھ اسے عدالت میں پیش کیا گیا جہاں الزام ثابت ہونے اور زمین میں فساد پھیلانے پر اسے سزائے موت کا فیصلہ سنا دیا گیا‘۔

’بعد ازاں اپیل کورٹ نے زریں عدالت کے فیصلے کی تصدیق کی اور ایوان شاہی نے فیصلے پر عملدرآمد کی منظوری دی ہے‘۔

وزارت نے کہا ہے کہ ’آج منگل کو مکہ مکرمہ میں عدالت کا فیصلہ نافذ کر دیا گیا ہے‘۔