27 مئی کو ذو الحجہ کا چاند دیکھا جاسکتا ہے : فلکی ماہر
’توقع ہے کہ بدھ 28 مئی کو ذوالحجہ کا پہلا دن ہوگا اور جمعہ 6 جون کو عید الاضحی ہوگی‘ ( فوٹو: سبق)
دنیا بھر کے اسلامی ممالک منگل 27 مئی 2025 کو ذوالحجہ کے چاند کا مشاہدہ کریں گے۔
سبق ویب سائٹ کے مطابق اس روز وسطی اور مغربی ایشیا، بیشتر افریقہ اور یورپ میں دور بین کی مدد سے چاند نظر آنے کا امکان ہے جبکہ شمالی و جنوبی امریکہ کے کئی حصوں میں چاند کو کھلی آنکھ سے بھی دیکھا جا سکتا ہے۔
چونکہ منگل کے روز اسلامی دنیا میں چاند دیکھے جانے کا امکان موجود ہے، اس لیے توقع کی جا رہی ہے کہ بدھ 28 مئی کو ذوالحجہ کا پہلا دن ہوگا اور جمعہ 6 جون کو بیشتر اسلامی ممالک میں عیدالاضحی منائی جائے گی۔
بین الاقوامی فلکیاتی مرکز کےسربراہ انجینئر محمد شوکت عودہ نے کہا ہے کہ ’منگل 27 مئی کو مکہ مکرمہ میں چاند، سورج غروب ہونے کے 39 منٹ بعد غروب ہوگا‘۔
’اس کی عمر 14 گھنٹے 17 منٹ ہوگی اور سورج سے زاویہ 8.1 درجے ہوگا اور اسے صرف دوربین سے دیکھا جا سکے گا‘۔
سعودی عرب پہنچنے والے عازمین حج کی تعداد 9 لاکھ 61 ہزار ہوگئیNode ID: 890132
