سعودی طلبا کی انٹرنیشنل کیمسٹری اولمپیاڈ 2025 میں شرکت

سعودی طلبا کی ایک ٹیم انٹرنیشنل کیمسٹری اولمپیاڈ 2025 میں شرکت کےلیے روانہ ہوگئی، یہ مقابلے 5 سے 14 جولائی تک متحدہ عرب امارات میں ہو رہے ہیں۔

اولمپیارڈ میں دنیا کے تقریبا 90 ملکوں سے 300 سے زیادہ طلبا شریک ہیں۔

اخبار 24 کے مطابق طلبا کی یہ ٹیم سعودی وزارت تعلیم اور شاہ عبدالعزیز اور ان کے ساتھیوں کی فاؤنڈیشن (موہبہ) کے تعاون سے ایونٹ میں حصہ لے رہی ہے۔

سعودی ٹیم میں چار طلبا ریاض محکمہ تعلیم سے رند عوضہ، علی باوزیر،الشرقیہ محکمہ تعلیم سے حیدر الدبیسی اور جدہ محکمہ تعلیم سے عمار الترکستانی شامل ہیں۔

کیمسٹری اولمپیاڈ کے سابق ایڈیشنز میں سعودی طلبا نے اب تک 45 اعزازات اپنے نام کیے ہیں، ان میں 15 سلور میڈل، 28 برانز میڈل اور دو تعریفی اسناد شامل ہیں ہیں۔

یاد رہے سعودی عرب نے گزشتہ برس 56 ویں انٹرنیشنل کیمسٹری اولمپیارڈ کی میزبانی کی تھی۔

انٹرنیشنل کیمسٹری اولمپیارڈ جو اہم سائنسی مقابلوں میں سے ایک ہے ہائی سکول کے باصلاحیت طلبہ مقابلہ کرتے ہیں۔

اس کا مقصد کیسمٹری کے پیچیدہ  اور تخلیقی مسائل کو حل کرکے اس موضوع میں دلچسپی پیدا کرنا، اس شعبے میں بین الاقوامی رابطوں اور سائنس سے دلچسپی رکھنے والے مختلف قومیتوں کے نوجوانوں کے درمیان دوستی کو فروغ دینا ہے۔

 کیمسٹری اولمپیاڈ کے تصور کی ابتدا 1968 میں چیکوسلواکیہ میں ہوئی تھی جب سوویت بلاک کے ممالک میں ثانوی تعلیمی نظام میں کیمسٹری اولمپیاڈز کو ضم کیا گیا، ابتدائی طور پر صرف سوویت بلاک کے ممالک کو شرکت کی دعوت دی جاتی تھی۔