مکہ مکرمہ میں ہلکی بارش، مدینہ میں مطلع غبار آلود

محکمہ موسمیات نے کہا ہے کہ آج منگل مکہ مکرمہ، عسیر، باحہ اور جازان میں درمیانے درجے کی بارش کا امکان ہے۔

سبق ویب سائٹ کے مطابق گرد آلود تیز ہوا بھی چلے گی جبکہ بعض علاقوں میں تیز بارش بھی ہوسکتی ہے۔

محکمے نے کہا ہے کہ ’مدینہ منورہ، نجران، ریاض اور مشرقی ریجن کے بعض علاقوں میں مطلع غبار آلود ہوگا‘۔

مکہ مکرمہ کے بارے میں محکمے نے کہا ہے کہ ’مختلف شہروں میں ہلکی بارش ہوگی جبکہ اللیث اور الشعیبہ میں شام 7 بجے تک تیز ہوا چلے گی جس کی رفتار 49 کلو فی گھنٹہ ہوگی‘۔

’جبکہ الخرمہ، المویہ، تربہ اور رنیہ میں دن بھر گرج چمک رہے گی جبکہ اس سے ملتی جلتی صورتحال القنفذہ میں بھی ہوسکتی ہے‘۔

مدینہ منورہ کے حوالے سے محکمے نے بتایا ہے کہ ’الرایس، ینبع اور المہد کے علاوہ وادی الفرع میں گرد آلود ہوا چلے گی اور شام 8 بجے تک حد نگاہ متاثر ہوگی‘۔