پاکستان، انڈیا کشیدگی کا اثر، انڈین کھلاڑیوں نے پاکستانی پلیرز سے ہاتھ نہیں ملایا

پاکستان اور انڈیا کے درمیان حالیہ کشیدگی کا اثرات اتوار کی رات کو دبئی میں کھیلے گئے میچ پر بھی نظر آئے۔ 

میچ کے بعد انڈین بلے بازوں نے پاکستانی کھلاڑیوں سے مصافحہ کیے بغیر ڈریسنگ روم چلے گئے جس کے بعد پاکستانی کپتان سلمان علی آغا نے میچ کے بعد اختتامی تقریب کا بائیکاٹ کیا ہے۔

میچ کی شروعات میں ٹاس کے بعد روایتی طور پر دونوں ٹیموں کے کپتان مصافحہ کرتے ہیں جبکہ میچ کے اختتام پر پوری ٹیم اپنی مخالف ٹیم سے ہاتھ ملاتی ہے۔

ٹاس کے بعد انڈیا کے کپتان سوریا کمار یادیو نے پاکستان کے کپتان سلمان علی آغا سے ہاتھ نہیں ملایا اور پاکستان کے کوچ کے مطابق میچ کے اختتام کے وقت بھی انڈین ٹیم ہاتھ ملانے کے وقت ڈریسنگ روم میں چلی گئی۔

پاکستان کے کوچ مائیک ہیسن نے ایک بیان میں کہا ہے کہ ’ہم میچ کے اختتام پر ہاتھ ملانے کے لیے تیار تھے، ہمیں افسوس ہے کہ ہماری مخالف ٹیم نے ایسا نہیں کیا۔‘

وہ کہتے ہیں کہ ’ہم ہاتھ ملانے کے لیے گئے لیکن وہ پہلے ہی ڈریسنگ روم میں جا چکے تھے، یہ میچ ختم ہونے کا مایوس کن طریقہ تھا۔‘

روپرٹس کے مطابق دوسری جانب پاکستان نے انڈیا کے اس رویے کی وجہ سے میچ کی اختتامی تقریب میں شرکت نہیں کی۔