جازان میں نشہ آور گولیوں کا سپلائر گرفتار

محکمہ انسداد منشیات نے کہا ہے کہ جازان ریجن میں ایک شہری پکڑا گیا ہے جس کے قبضے سے نشہ آور گولیاں ضبط ہوئی ہیں۔

سبق ویب سائٹ کے مطابق محکمے نے کہا ہے کہ ’مذکورہ شخص کے متعلق خفیہ اطلاع کی بنا پر کارروائی سے پہلے نگرانی کی گئی‘۔

’اس اثنا میں معلوم ہوا کہ وہ شہر میں نشہ آور گولیوں کا سپلائر ہے‘۔

’اسے رنگے ہاتھوں گرفتار کرنے کے لیے منصوبہ بنایا گیا اور منشیات کے عادیوں کے رورپ میں اہلکاروں کو روانہ کیا گیا جنہوں نے نشہ آور گولیاں فروخت کرتے ہوئے اسے گرفتار کیا ہے‘۔

’مذکورہ شخص سے تفتیش جاری ہے جبکہ ضابطے کی کارروائی مکمل کرنے کے بعد اسے پبلک پراسیکیوشن کے حوالے کردیا جائے گا‘۔