ٹریفک خلاف ورزیوں پر 6 ہزار موٹر سائیکلیں ضبط
’سب سے زیادہ موٹر سائیکلیں ریاض ریجن میں ضبط ہوئی ہیں جن کی تعداد 2820 ہے‘ ( فوٹو: سبق)
سعودی محکمہ ٹریفک نے متعدد خلاف ورزیوں پر مختلف شہروں سے 6 ہزار 267 موٹر سائیکلیں ضبط کی ہیں۔
سبق ویب سائٹ کے مطابق 21 ستمبر 2025 سے 27 ستمبر 2025 تک مختلف شہروں سے موٹر سائیکلیں ضبط ہوئی ہیں۔
محکمہ ٹریفک نے کہا ہے کہ ’سب سے زیادہ موٹر سائیکلیں ریاض ریجن میں ضبط ہوئی ہیں جن کی تعداد 2820 ہے‘۔
’دوسرے نمبر پر جدہ ہے جہاں سے 1960 موٹر سائیکلیں ضبط ہوئی ہیں‘۔
محکمہ ٹریفک نے کہا ہے کہ ’مدینہ منورہ میں 191، مکہ مکرمہ میں 222، مشرقی ریجن میں 693، طائف میں 103 اور جازان میں 41 موٹر سائیکلیں ضبط ہوئی ہیں‘۔
محکمہ ٹریفک نے کہا ہے کہ ’ٹریفک قوانین کی خلاف ورزی پر موٹر سائیکل ضبط ہوگی اور یہ کسی بھی حال میں ناقابل واپسی ہے‘۔
محکمے نے موٹر سائیکل چلانے والوں کو سختی کے ساتھ ہدایت کی ہے کہ وہ ٹریفک قوانین کی پابندی کریں۔
سعودی عرب حج اور دو مقدس مساجد کی تاریخ پر میوزیم قائم کرے گاNode ID: 895168
ریاض اور مشرقی ریجن میں گرد وغبار، جازان اور عسیر میں بارشNode ID: 895174
