سعودی قیادت کی طرف سے بحرین کے شاہ کو تعزیت

خادم الحرمین الشریفین شاہ سلمان بن عبد العزیز آل سعود اور ولی عہد و وزیر اعظم شہزادہ محمد بن سلمان بن عبد العزیز آل سعود نے بحرین کے فرمانروا شاہ حمد بن عیسیٰ آل خلیفہ کو شیخ ابراہیم بن حمد بن عبداللہ آل خلیفہ کے انتقال پر تعزیت پیش کی ہے۔

سعودی پریس ایجنسی کے مطابق سعودی قیادت نے شاہ حمد بن عیسی آل خلیفہ کو تعزیتی مکتوب روانہ کئے ہیں۔

سعودی قیادت نے اپنے پیغام میں کہا ہے کہ ’ہمیں شیخ ابراہیم بن حمد بن عبداللہ آل خلیفہ کے انتقال کی خبر سے گہرا دکھ پہنچا ہے‘۔

’ہم آپ سے اور متوفی کے اہلِ خانہ سے دلی تعزیت اور مخلصانہ ہمدردی پیش کرتے ہیں‘۔

سعودی قیادت نے کہا ہے کہ ’ہم اللہ سبحانہ وتعالى سے دعاگو ہیں کہ وہ متوفی پر اپنی وسیع رحمت اور مغفرت نازل فرمائے اور جنت میں اعلی مقام عطا کرے اور آپ کو ہر آفت و مصیبت سے محفوظ رکھے‘۔