’عرب موسیقی کا نیا دور‘، ریاض میوزک ویک کے دوران ایونٹس کہاں ہوں گے؟

فرِنج کے پروگرام اور عوامی مقامات پر پرفارمینسز 7 سے 10 دسمبر تک ریاض میوزک ویک کے حصے کے طور پر ہوں گی جس سے یہ فیسٹیول شہر کے ثقافتی مقامات اور کھلے عوامی مقامات تک پھیل جائے گا۔

عرب نیوز کے مطابق فرِنج اُبھرتے ہوئے مقامی ٹیلنٹ اور تخلیقی کمیونٹیز کو اجاگر کرتا ہے۔ یہ سٹوڈیوز، کیفے اور بیرونی مقامات کو تخلیقی سرگرمیوں کے قریب اور پُرسکون مراکز میں تبدیل کرتا ہے جہاں موسیقی کے ذریعے فنکاروں اور آڈیئنس کو ایک دوسرے سے جڑنے کا پلیٹ فارم فراہم کیا جاتا ہے۔

جیکس ڈسٹرکٹ سے لے کر سپورٹس بولیوارڈ اور ڈپلومیٹک کوارٹر تک، پروگرام میں سعودی عرب کی کچھ جدید اور تخلیقی موسیقی کمیونٹیز شامل ہیں، جن میں انڈر ریٹڈ ایکس، ایم ڈی ایل بِیسٹ ریکارڈز، دی فرِج ، بوہیمیا ریکارڈز، مرواس اور دی ویئر ہاؤس شامل ہیں۔

ہر پارٹنر ایک منفرد تصور پر مبنی نائٹ سیریز کی میزبانی کرے گا جو ریاض میوزک ویک کے پروگرام کی تکمیل کرے گی۔

7 دسمبر کو دی فرِج، پرسنیج ویئر ہاؤس سی 11، جیکس ڈسٹرکٹ میں ’دی فرِج اوپن مائیک پاورڈ بائے زینہائزر‘  کا آغاز کرے گا۔

شام کو دو حصوں میں تقسیم کیا گیا ہے، لِٹل لیجنڈز اوپن مائیک جو 7 سے 14 سال کے بچوں کے لیے ہے اور اس کے بعد 15 سال اور اس سے زائد عمر کے شرکا کے لیے مرکزی اوپن مائیک ہوگا۔

دروازے شام 6 بجے کھلیں گے، لٹل لیجنڈز کا سیشن ساڑھے چھ بجے سے ساڑھے سات تک ہوگا، جبکہ مرکزی سیشن ساڑھے سات سے ساڑھے دس بجے تک جاری رہے گا۔

اس ایونٹ میں مکمل پروفیشنل بیک لائن فراہم کی جائے گی، اُبھرتے ہوئے ٹیلنٹ کی حوصلہ افزائی کی جائے گی اور یہ ایونٹ دی فرج کی ویب سائٹ پر پری رجسٹریشن کے ساتھ مفت ہے۔

آٹھ دسمبر کو ’دی فرج پریزنٹس‘ کے تحت پرسنیج ویئر ہاؤس سی 11 میں تین نمایاں سعودی فنکار شرقیہ، زین فائز اور ترکی عبداللہ پرفارم کریں گے۔

دروازے شام 7 بجے کھلیں گے، جبکہ پرفارمینس 8 بجے سے 10 بجے تک جاری رہیں گی۔

9 دسمبر کو دی فرج  اپنے طویل المدتی کنسرٹ سیریز کا آغاز سعودی عرب میں دوبارہ پرسنیج ویئر ہاؤس سی 11  میں کرے گا۔

ہیڈ لائن پرفارمر تمتم ہوں گے جبکہ اوپنئنگ خلیجی بلونڈ  کرے گا۔ اس رات کی توجہ اصل عربی پاپ، ٹریپ اور آر اینڈ بی پر ہوگی، جس سے ریاض کو عرب موسیقی کے نئے سنہری دور کے اہم سٹیج کے طور پر پیش کیا جائے گا۔

دروازے شام 8 بجے کھلیں گے اور شو 9 بجے شروع ہوگا۔ ٹکٹیں محدود ہیں اور آن لائن دستیاب ہیں۔

10 دسمبر کو یو آر ایکس، ریاض پارک میں سالٹ ریسٹورینٹ کے باہر ایک خاص فرنج رات ’ریاض رِدم‘ پیش کرے گا۔

اس ایونٹ میں کیوریٹڈ ہاؤس اور الیکٹرانک موسیقی کو کمیونٹی کے ماحول کے ساتھ ملا کر پیش کیا جائے گا، اور یہ یو آر ایکس کے مشن کو جاری رکھے گا جس کا مقصد کم معروف ڈی جیز کو اجاگر کرنا اور سعودی عرب کی تخلیقی توانائی کو عالمی سطح پر دکھانا ہے۔

سیشن شام 7 بجے سے نصف شب تک جاری رہے گا۔ اس میں زیادہ سے زیادہ 300 مہمان شرکت کر سکیں گے جس میں خاندان شامل ہیں۔

ایم ڈی ایل بیسٹ ریکارڈز ایک فرنج شو کیس کی میزبانی کرے گا جو ایک انٹرنیشنل میوزک مینیجرز فورم سیشن کے ساتھ ہوگا۔

اس رات میں ایم ڈی ایل بیسٹ ریکارڈز آل سٹارز پرفارم کریں گے اور توجہ عربی الیکٹرانیکا اور پروگریسو ساؤنڈز پر ہوگی۔

یہ پروگرام اس لیبل کے کردار کو اجاگر کرتا ہے، جو انڈی، پاپ، ہِپ ہاپ اور الیکٹرانک موسیقی میں مقامی، علاقائی اور عالمی عربی ٹیلنٹ کو فروغ دینے میں مدد دیتا ہے۔

بوہیمیا ریکارڈز، ٹی ڈبلیو ایچ جے او ایٹھ جیکس کلچر الدرعیہ میں ’ویکس ہیڈ اے بوہیمیا ریکارڈز ٹیک اوور‘ کی میزبانی کرے گا، جو 9 سے 10 دسمبر کو شام 6 بجے سے نصف شب تک جاری رہے گا۔

یہ پروگرام وینائل کلچر اور انڈر گراؤنڈ ساؤنڈز کا جشن مناتا ہے، جس میں لائیو ڈی جے سیٹس، بینڈز، انٹرایکٹیو لسنئنگ سٹیشنز اور کافی پر مبنی’بینز اینڈ بیٹس‘ ریو شامل ہے، جو شام 7 بجے سے 9 بجے تک ہوگا، اور اس کے بعد لائیو پرفارمینسز نصف شب تک جاری رہیں گی۔

دی ویئر ہاؤس، جیکس ڈسٹرکٹ میں 7 سے 8 دسمبر کو فرنج کا مرکز ہوگا، جہاں دو خاص اوریئینٹل میوزک نائٹس منعقد کی جائیں گی۔

لماح جو 7 دسمبر کو شام 9 بجے سے نصف شب تک منعقد ہوگی، ایک ایسی رات ہے جہاں حاضرین خود سٹار بن جاتے ہیں۔

جلسات 8 دسمبر کو شام 9 بجے سے نصف شب تک، ایک آرام دہ سردی کی شام پیش کرتا ہے جس میں عرب اور خلیجی گانے شامل ہیں۔ ہر شب میں ایک مختلف فنکار پرفارم کرے گا۔

مرواس جو دنیا کے سب سے بڑے میوزک سٹوڈیو کمپلیکس کا گھر ہے، 7 سے 10 دسمبر کے درمیان اپنے ریہرسل سپیس میں ایک رات کے لیے فرنج سیشن کی میزبانی کرے گا جس میں زیادہ سے زیادہ 150 مہمان شرکت کر سکیں گے۔

شام کا آغاز پرائیویٹ سٹوڈیو ٹوئرز سے شام 7 بجے سے 8 بجے تک ہوگا، جس کے بعد شام 8 بجے سے 11 بجے تک ایک لائیو بینڈ پرفارمینس پیش کی جائے گی جو عربی اور انگریزی موسیقی کو ملا کر پیش کرے گی۔

اس سیشن میں ’انٹرایکٹیو سنگ الونگ‘ لمحات شامل ہیں اور اس کا مقصد حاضرین کی شرکت کو بڑھانا ہے جبکہ مرواس کو تخلیقی اور موسیقی کی صنعت میں ایک لیڈر کے طور پر مستحکم کرنا ہے۔