پاکستان میں پیٹرول اور ڈیزل کی قیمتوں میں بڑی کمی

حکومت نے پیٹرولیم مصنوعات کی قیمتوں میں کمی کر دی ہے۔

وزارت خزانہ کی جانب سے جاری نوٹفکیشن کے مطابق ہائی سپیڈ ڈیزل کی قیمت میں 8 روپے 57 پیسے کمی کی گئی ہے۔

پٹرول کی قیمت میں 10 روپے 28 پیسے فی لیٹر کمی کی گئی ہے۔

کمی کے بعد ڈیزل کی نئی قیمت 257 روپے 8 پیسے ہوگئی ہے جبکہ پیٹرول کی نئی قیمت 253 روپے 57 پیسے مقرر کی گئی ہے۔

نئی قیمتوں کا اطلاق آج رات 12 بجے کے بعد ہوگا۔

خیال رہے حکومت نے 15 دسمبر کو بھی ڈیزل کی قیمت میں بڑی کمی کی تھی۔

اس وقت حکومت نے  ہائی سپیڈ ڈیزل کی قیمت میں 14 روپے کی کمی کا اعلان تھا جبکہ پیٹرول کے نرخ کو برقرار رکھا تھا۔