پاکستان میں منگل 13 جنوری کو سونے کی قیمت کیا رہی؟
پاکستان میں منگل کو سونے کی قیمت میں 900 روپے کا اضافہ ریکارڈ کیا گیا ہے۔
آل پاکستان صرافہ جیمز اینڈ جیولرز ایسوسی ایشن کے مطابق منگل کو 900 روپے اضافے کے بعد ملک میں سونے کی فی تولہ قیمت 4 لاکھ 81 ہزار 862 روپے ہوگئی ہے جبکہ گذشتہ دن (یعنی پیر کو) اس کی قیمت 4 لاکھ 80 ہزار 962 روپے ریکارڈ کی گئی تھی۔
حالیہ اضافے کے بعد 10 گرام سونے کی قیمت میں بھی 771 روپے کا اضافہ ہوا، جس کے بعد اس کی نئی قیمت 4 لاکھ 13 ہزار 118 روپے ہو گئی۔ اسی طرح 22 قیراط سونے کے 10 گرام کی قیمت 3 لاکھ 78 ہزار 705 روپے تک پہنچ چکی ہے۔
دوسری جانب منگل کو فی تولہ چاندی کی قیمت میں 180 روپے کا اضافہ ہوا، جس کے بعد اس کی نئی قیمت 9 ہزار 75 روپے ہو گئی۔ اسی طرح 10 گرام چاندی کی قیمت 7 ہزار 780 روپے ہو چکی ہے۔
ایسوسی ایشن کے مطابق بین الاقوامی مارکیٹ میں فی اونس سونے کی قیمت میں 9 ڈالر کا اضافہ ہوا، جس کے بعد اس کی نئی قیمت 4 ہزار 595 ڈالر ہو چکی ہے، جبکہ گذشتہ دن (پیر کو) 4 ہزار 586 ڈالر ریکارڈ کی گئی تھی۔ اسی طرح فی اونس چاندی کی قیمت میں 1.80 ڈالر کا اضافہ ہوا ہے اور اس کی نئی قیمت 38.88 ڈالر تک پہنچ گئی ہے۔
