بنگلہ دیش سے شکست: ’پرفارمنس سب کی خراب مگر نشانہ صرف شامل حسین‘

تین میچوں پر مشتمل ون ڈے سیریز کے پہلے میچ میں بنگلہ دیش نے پاکستان کو آٹھ وکٹوں سے شکست دے دی ہے۔

بدھ کو ڈھاکہ کے شیر بنگلہ سٹیڈیم میں پاکستان کے 114 رنز کا ہدف بنگلہ دیش نے 16ویں اوور کی پہلی گیند پر دو وکٹوں کے نقصان پر حاصل کیا۔

اس سے قبل پاکستان کی پوری ٹیم 30 اوورز میں 114 رنز بنا کر ڈھیر ہو گئی تھی۔

پاکستان کی جانب سے ناقص کارکردگی کا مظاہرہ کیا گیا، سات کھلاڑی ڈبل فیگر میں داخل نہ ہو سکے۔

پاکستان کی اس ناکامی پر سوشل میڈیا صارفین دلچسپ تبصرے کر رہے ہیں۔

ایک فین اکاؤنٹ نے لکھا کہ ’شاہین آفریدی میچ سے قبل کہہ رہے تھے کہ بنگلہ دیش کے خلاف یہ سیریز سنہ 2027 کے ورلڈ کپ کا تعین کرے گی اور پھر بنگلہ دیش نے آٹھ وکٹوں سے شکست دے دی۔‘

ایک صارف نے لکھا کہ ’پرفارمنس سب کی خراب ہے لیکن شامل حسین کو زیادہ ٹارگٹ کیا جا رہا ہے۔‘

صارف ہارون نے پاکستان ٹیم کی کارکردگی شیئر کرتے ہوئے لکھا کہ ’میری تو ہنسی نہیں رُک رہی۔‘

تحسین قاسم نے لکھا کہ ’ناہید رانا نے شاندار بولنگ کرتے ہوئے پاکستانی بیٹنگ لائن کو مکمل طور پر تباہ کر دیا۔ ان کی طرف سے زبردست سپیل دیکھنے کو ملا، واقعی ایک لاجواب کارکردگی۔‘

ایک صارف نے سکور بورڈ پوسٹ کرتے ہوئے لکھا کہ ’شرمناک شکست۔‘ ’‘