افواج پاکستان کے شعبہ تعلقات عامہ آئی ایس پی آر کے ڈائریکٹر جنرل لیفٹیننٹ جنرل احمد شریف چودھری نے افغان طالبان کی جانب سے کابل میں منشیات بحالی کے مرکز پر پاکستان کے حملے کی تردید کی ہے۔
بدھ کو جیو نیوز کے پروگرام کیپیٹل ٹاک میں میزبان حامد میر سے گفتگو کرتے ہوئے ڈی جی آئی ایس پی آر نے مزید کہا کہ ’پاکستان نے کابل میں منشیات بحالی کے مرکز کو نہیں بلکہ افغان طالبان کے ڈرون اور گولہ بارود کے ذخیرے کو نشانہ بنایا۔‘
ان کا کہنا تھا کہ ‘یہ افغان طالبان کی پرانی عادت ہے کہ وہ نشئیوں کو خودکش حملوں کے لیے استعمال کرتے ہیں۔‘
