پی ایس ایل 11: حیدرآباد سنسنی خیز مقابلے کے بعد اسلام آباد کو ہرا کر فائنل میں

پاکستان سپر لیگ سیزن 11 کے دوسرے ایلیمینیٹر میں حیدرآباد کنگزمین نے سنسنی خیز مقابلے کے بعد اسلام آباد یونائیٹڈ کو دو رنز سے شکست دے کر فائنل کیلئے کوالیفائی کر لیا ہے۔

اتوار کے فائنل میں کنگزمین کا مقابلہ پشاور زلمی سے ہوگا۔ 

جمعے کو قذافی سٹیڈیم لاہور میں حیدر آباد کی جانب سے دیے گئے 187 رنز کے ہدف کے تعاقب میں اسلام آباد یونائیٹڈ کی ٹیم مقررہ 20 اوورز میں 7 وکٹوں کے نقصان پر 184 رنز ہی بنا سکی۔

حیدرآباد کی جانب سے فاسٹ بولر حنین شاہ نے آخری اوور میں 6 رنز کا کامیابی سے دفاع کیا اور اپنی ٹیم کو فائنل میں پہنچا دیا۔

اسلام آباد کی جانب سے مارک چیپمین 43 رنز بناکر ٹاپ سکور رہے۔

 حیدر علی نے 31 ، ڈیون کونوے نے 30، شاداب خان نے 22، اور کرس گرین نے 21 رنز بناکر نمایاں رہے۔

حیدرآباد کنگز مین کی جانب سے حنین شاہ اور محمد علی نے دو دو کھلاڑیوں کو آؤٹ کیا  جبکہ حسان خان، صائم ایوب اور عاکف جاوید نے ایک، ایک وکٹ حاصل کی۔

قبل ازیں اسلام آباد یونائیٹڈ نے ٹاس جیت کر پہلے بولنگ کا فیصلہ کیا۔

حیدرآباد کنگزمین نے مقررہ 20 اوورز میں 5 وکٹ پر 186 رنز سکور کیے۔عثمان خان نے 61 رنز کی ناقابل شکست اننگز کے ساتھ ٹاپ سکورر رہے۔

کپتان مارنوس لیبوشین نے 39، صائم ایوب نے 38 اور کوشال پریرا نے 37رنز بنا کر نمایاں رہے۔

اسلام آباد کی جانب سے عماد وسیم نے دو، کرس گرین، رچرڈ گلیسن اور فہیم اشرف نے ایک،ایک کھلاڑی آؤٹ کیا۔

واضح رہے کہ اتوار کو فائنل میں حیدرآباد کنگزمین کا مقابلہ پشاور زلمی سے ہوگا۔

پی ایس ایل 11 کا فائنل اتوار کو لاہور میں کھیلا جائے گا۔