ورلڈ سائیکل ڈے: سعودی عرب کے تین شہروں میں سائیکلنگ ٹور
’ورلڈ سائیکل ڈے‘ ہرسال تین جون کو منایا جاتا ہے (فوٹو: ایس پی اے)
سعودی سائیکلنگ فیڈریشن نے سعودی سپورٹس فار آل فیڈریشن اور سپورٹس بولیو ارڈ فاونڈیشن کے تعاون اور یونین سائیکلسٹ انٹرنیشنل کی نگرانی میں اس سال تین شہروں میں سائیکلنگ ٹور کا اہتمام کیا۔
’ورلڈ سائیکل ڈے‘ ہرسال تین جون کو منایا جاتا ہے، جو سائیکلنگ کو ایک سادہ، سستی اور ماحول دوست سفری ذریعے کے طور پر اجاگر کرتا ہے، عوامی صحت اور پائیدار شہری زندگی کے اہم محرک کے طور پر پیش کرتا ہے۔
ایس پی اے کے مطابق 700 سے زیادہ شرکا نے ریاض کے سپورٹس بولیو ارڈ، ابہا میں الروضہ پارک اور جدہ میں روشن واٹر فرنٹ پر چھ کلو میٹر کا سفر مکمل کیا۔
جسمانی سرگرمی کو فروغ دینے اور صحت مند طرز زندگی کی حوصلہ افزائی کے لیے دیگر سرگرمیاں بھی منعقد کی گئیں۔
یہ اقدام سعودی وژن 2030 کے اہداف کی سپورٹ کرتا ہے تاکہ سپورٹس میں شرکت کو بڑھایا اور صحت مند زندگی کو فروغ دیا جا سکے۔
اس کا مقصد صحت عامہ کو بہتر بنانا، مٹاپے، ذیبطیس اور ہائی بلڈ پریشر جیسے دائمی امراض کو کم کرنا بھی ہے۔
سعودی سائیکلنگ فیڈریشن کی یہ کوششیں کوالٹی آف پروگرام سے ہم آہنگ ہیں، جو سپورٹس اور تفریح میں کمیونٹی کی زیادہ سے زیادہ شمولت کے ذریعے ایک متوازن زندگی کی حوصلہ افزائی کرتا ہے۔
