امریکہ اور اسرائیل ایرانی توانائی کے ڈھانچے پر بمباری کرنے کی منصوبہ بندی کر رہے ہیں: رپورٹ

امریکی ٹی وی چینل سی بی ایس نیوز نے دعویٰ کیا ہے کہ امریکہ اور اسرائیل ایران کے توانائی کے بنیادی ڈھانچے کو تباہ کرنے کے لیے بمباری کرنے کی منصوبہ بندی کر رہے ہیں، اور یہ حملے سنیچر یا اتوار کو کسی بھی وقت کیے جا سکتے ہیں۔
برطانوی خبر رساں ایجنسی روئٹرز نے سی بی ایس نیوز کی رپپورٹ کے حوالے سے بتایا ہے کہ ’امریکی صدر ڈونلڈ ٹرمپ نے تاحال ان حملوں کی حتمی منظوری نہیں دی۔‘
اسی رپورٹ میں مزید کہا گیا ہے کہ اگر یہ کارروائی ہوتی ہے تو یہ ایران کے خلاف جاری امریکہ اسرائیل کی جنگ کے دوران ایرانی توانائی کے انفراسٹرکچر پر کیے جانے والے اب تک کے سخت ترین حملوں میں سے ایک ہوگی۔ 
سی بی ایس نیوز کے مطابق اس بات پر بھی غور کیا جا رہا ہے کہ حملوں کو پیر کے روز بین الاقوامی مالیاتی منڈیوں کے کھلنے سے قبل مکمل کر لیا جائے، تاکہ ان کے ممکنہ معاشی اثرات کو کم کیا جا سکے۔