انڈیا کی ریاست مدھیہ پردیش کے شہر کھنڈوا میں آوارہ کتوں کے کاٹنے کے واقعات کے خلاف انوکھا احتجاج کیا گیا، جہاں ایک شہری کتے کا ماسک پہن کر میونسپل کارپوریشن کے اپوزیشن لیڈر کے ہمراہ عوامی شکایات کی سماعت میں پہنچ گیا۔
انڈین اخبار فری پریس جرنل کے مطابق منگل کو کھنڈوا میونسپل کارپوریشن کے اپوزیشن لیڈر دیپک راٹھور نے کلکٹر کو یادداشت پیش کرکے آوارہ کتوں کی نس بندی پر خرچ ہونے والی رقم کی تحقیقات کا مطالبہ کیا۔
مزید پڑھیں
-
-
انڈیا میں ہوٹل میں آتشزدگی، بھگدڑ سے 15 ہندو یاتری ہلاکNode ID: 907574 -
انڈیا کے ہوٹل میں آگ لگنے سے نو افراد ہلاک، متعدد زخمیNode ID: 907622
دیپک راٹھور نے دعویٰ کیا کہ میونسپل کارپوریشن نے گزشتہ چار برس میں کتوں کی نس بندی پر تقریباً 40 لاکھ روپے خرچ کیے، لیکن آوارہ کتوں کی تعداد میں کمی نہیں آئی۔
دیپک راٹھور کے مطابق گزشتہ چار برس میں قریباً 13 ہزار 225 افراد کتوں کے کاٹنے کا شکار ہوئے جس کے باعث بچوں، خواتین، بزرگوں اور دیگر شہریوں میں خوف پایا جاتا ہے۔
انہوں نے سوال اٹھایا کہ لاکھوں روپے خرچ کرنے کے باوجود آوارہ کتوں کی تعداد اور کاٹنے کے واقعات میں کمی کیوں نہیں آئی۔
ان کا کہنا تھا کہ یہ صرف آوارہ کتوں کی تعداد کا مسئلہ نہیں بلکہ شہریوں کی حفاظت کا معاملہ بھی ہے۔
اپوزیشن لیڈر نے آوارہ کتوں کی نس بندی کے کام کا مالی اور تکنیکی آڈٹ کرانے اور ٹینڈر کے عمل، کام کرنے والی کمپنی کی اہلیت اور متعلقہ دستاویزات کی بھی جانچ کا مطالبہ کیا۔
احتجاج کے دوران کتے کا ماسک پہنے شخص کے ذریعے علامتی انداز میں یہ پیغام دیا گیا کہ ’یہ بہت وفادار ہیں، لیکن اس بات پر ناراض ہیں کہ ان کے نام پر مبینہ کرپشن ہو رہی ہے۔‘
راٹھور کا کہنا تھا کہ تمام آوارہ کتوں کی نس بندی نہیں کی گئی۔
खंडवा, मध्य प्रदेश में आवारा कुत्तों के बढ़ते आतंक के विरोध में एक अनोखा प्रदर्शन देखने को मिला। एक व्यक्ति कुत्ते का कॉस्ट्यूम पहनकर कलेक्ट्रेट की जनसुनवाई में पहुंचा, जिसे देखने के लिए अधिकारियों और स्थानीय लोगों की भीड़ जुट गई।
यह प्रदर्शन सिर्फ अनोखा नहीं, बल्कि शहर में… pic.twitter.com/spwJ5FMus4
— Vijay Goel (@VijayGoelBJP) August 19, 2026
