خروج و عودہ میں توسیع، سفری آسانیوں کا معاہدہ اور کورونا کیسز میں کمی سمیت گذشتہ ہفتے سعودی عرب میں کیا ہوا؟
خروج و عودہ میں توسیع، سفری آسانیوں کا معاہدہ اور کورونا کیسز میں کمی سمیت گذشتہ ہفتے سعودی عرب میں کیا ہوا؟
اتوار 22 اگست 2021 0:02
سعودی محکمہ پاسپورٹ نے تارکین کے اقامہ، خروج و عودۃ اور وزٹ ویزوں میں 30 ستمبر 2021 تک توسیع شروع کردی ہے (فائل فوٹو: روئٹرز)
گذشتہ ہفتے سعودی عرب میں اقامہ قوانین اور سرحدی قوانین کی خلاف ورزی کرنے پر ہزاروں کی تعداد میں غیرملکی تارکین کو گرفتار کیا گیا جبکہ بیرون ملک تارکین کے اقاموں اور خروج و عودہ میں بھی توسیع کی گئی۔ اس کے علاوہ مسافروں کو قوانین کے آگہی کے لیے معادہ اور قانون محنت کے لائحہ عمل میں اہم ترامیم کی گئیں۔ اس کے علاوہ سعودی عرب سے کون سی خبریں اہم رہیں، گذشتہ ہفتے کی اہم خبروں پر ایک نظر:
بیرون ملک تارکین کے اقاموں اور خروج عودہ میں 30 ستمبر تک مزید توسیع
سعودی محکمہ پاسپورٹ نے شاہ سلمان بن عبدالعزیز کی ہدایت پر تارکین کے اقامہ، خروج و عودۃ (ایگزٹ ری انٹری ویزے) اور وزٹ ویزوں میں 30 ستمبر 2021 تک خودکار نظام کے تحت کسی فیس یا مقابل مالی کے بغیر توسیع شروع کردی ہے۔
مکہ اور مدینہ میں غیرملکی زمین کے مالک بن سکتے ہیں؟
قانونی مشیر جعفر جمل اللیل نے خبردار کیا ہے کہ کوئی بھی غیرملکی کسی بھی سعودی کے نام سے مکہ اور مدینہ منورہ میں غیر منقولہ جائدادوں کا مالک نہیں بن سکتا- تجارتی پردہ پوشی کے ذریعے مالک بننے کی کوشش کا بھاری خمیازہ بھگتنا پڑے گا- اس قسم کی جائداد نیلام کی جاسکتی ہے-
کورونا وبا کے خطرناک دور سے آگے بڑھ چکے: وزارت صحت
سعودی وزارت صحت کے ترجمان ڈاکٹر محمد العبد العالی نے کہا ہے کہ ’کورونا وائرس کی نئی شکل ڈیلٹا ان دنوں پوری دنیا میں پھیلی ہوئی ہے۔ یہ وائرس بہت تیزی سے پھیلتا ہے اور اس کا تشویشناک پہلو یہی ہے‘۔
وزارت صحت کے ترجمان نے تنبیہہ کی کہ’ ڈیلٹا وائرس سے نمٹنے کے لیے ویکسین کی ایک خوراک ناکافی ہوگی‘ (فائل فوٹو: سبق)
ریاض میں غیر ملکی خاتون سیاح سے چھیڑخانی، چھ شہری گرفتار
سعودی پبلک پراسیکیوشن نے کہا ہے کہ ریاض پولیس نے شہر کے ایک محلے میں غیرملکی خاتون سیاح کی کار کو روکنے،جملے بازی اور چھیڑ خانی کرنے والے چھ سعودی شہریوں کو گرفتار کیا ہے۔
سعودی عرب میں گزشتہ ماہ کون سی اشیا سستی اور کون سی مہنگی رہیں
سعودی عرب میں گزشتہ ماہ کے دوران گوشت اور چاول سمیت47 غذائی اشیا سستی ہوئی ہیں جبکہ مرغیوں کے نرخ بڑھ گئے۔ سب سے زیادہ قیمتیں پاکستانی کینو اور مچھلیوں کی ریکارڈ کی گئی ہیں۔
درآمد شدہ بکرے کا گوشت 0.8 فیصد سستا رہا جبکہ ایک کلوگرام گوشت کی قیمت 46.09 ریال رہی (فائل فوٹو: ٹوئٹر)
