Sorry, you need to enable JavaScript to visit this website.

پی ایس ایل: دلچسپ مقابلے کے بعد لاہور قلندرز نے اسلام آباد یونائیٹڈ کو ہرا دیا

شاداب خان پی ایس ایل سیون میں سب سے زیادہ وکٹیں لینے والے بولر بن گئے (فوٹو: پی ایس ایل)
پاکستان سپر لیگ کے ساتویں سیزن کے 12 ویں میچ میں لاہور قلندرز نے اسلام آباد یونائیٹڈ کو 8 رنز سے شکست دے دی۔
سنیچر کو کراچی کے نیشنل سٹیڈیم میں یونائیٹڈ کے کپتان شاداب خان نے ٹاس جیت کر قلندرز کو پہلے بیٹنگ کی دعوت دی۔

اسلام آبادیونائیٹڈ  کی اننگز

اسلام آباد یونائیٹڈ کی جانب سے ایلکس ہیلز اور پال سٹرلنگ نے اننگز اوپن کی جب کہ لاہور قلندرز کے کپتان شاہین شاہ آفریدی نے پہلا اوور کرایا۔
اسلام آباد یونائیٹڈ کو 16 کے مجموعی سکور پر پہلا نقصان ہوا جب ٹیم کے اوپنر ایلکس ہیلز شاہین آفریدی کی گیند پر فخر زمان کو کیچ تھما بیٹھے۔ انہوں نے 8 گیندوں پر 11 رنز بنائے۔
پال سٹرلنگ 10 گیندوں پر 14 رنز بنانے کے بعد حارث رؤف کا شکار ہوئے تو ٹیم کا مجموی سکور 37 ہو چکا تھا۔
شاداب خان نے ایک مرتبہ پھر 32 گیندوں پر 52 رنز کی جارحانہ اننگز کھیلی، وہ راشد خان کی گیند پر شاہین آفریدی کے ہاتھوں 137 کے مجموعی سکور پر کیچ آؤٹ ہوئے۔
کولن منرو نے 45 گیندوں پر 60 رنز کی اننگز کھیلی اور حارث رؤف کی وکٹ بنے۔
میچ کے اختتامی لمحات میں لاہور قلندرز کے بولرز نے نپی تلی بولنگ کرتے ہوئے جیت کے قریب پہنچ جانے والے یونائیٹڈ کے بلےبازوں کو سکور کرنے سے روک دیا۔
جارح بلے بازی کے لیے مشہور آصف علی 12 گیندوں پر 14 رنز بنا کر آؤٹ ہوئے تو جیت کی رہی سہی امید بھی ختم کر گئے۔ اعظم خان اور فہیم اشرف ناٹ آؤٹ رہے۔
میچ 8 رنز سے لاہورقلندرز کے نام ہوا تو جہاں وہ پوائنٹس ٹیبل پر دوسرے نمبر پر آ گئے وہیں اسلام آباد یونائیٹڈ کے لیے آئندہ میچ میں کامیابی کو بھی لازم کر گئے۔
قلندرز کی جانب سے حارث رؤف نے دو، شاہین شاہ آفریدی، زمان خان اور راشد خان نے ایک، ایک کھلاڑیو کو آؤٹ کیا۔

شاداب خان ففٹی اننگز کھیلنے کے بعد راشد خان کی گیند پر شاہین شاہ آفریدی کے ہاتھوں کیچ آؤٹ ہوئے (فوٹو: لاہور قلندرز)

یونائیٹڈ کے کپتان شاداب خان 10 وکٹوں کے ساتھ پی ایس ایل سیون میں سب سے زیادہ وکٹیں لینے والے بولر بن گئے ہیں۔ 

لاہور قلندرز کی اننگز

جواب میں لاہور قلندرز نے مقررہ 20 اوورز میں نو وکٹوں کے نقصان پر 174 رنز بنائے۔
اسلام آباد یونائیٹڈ کی جانب سے شاداب خان اور وقاص مقصود نے چار، چار جب کہ مبشر خان نے ایک وکٹ حاصل کی۔
شاداب خان نے کہا کہ وہ ٹاس جیت کر پہلے بیٹنگ کرنے کا ٹرینڈ تبدیل کرنا چاہتے ہیں۔
دوسری جانب لاہور قلندرز کے کپتان شاہین آفریدی کا کہنا تھا کہ پہلے کھیلتے ہوئے اس پچ پر 170 رنز بنانا اہم ہوگا۔

شیئر: