پاکستان میں جمعرات 22 جنوری کو سونے کی قیمت کیا رہی؟

پاکستان میں مسلسل ریکارڈ اضافے کے بعد جمعرات کو سونے کی قیمت میں 800 روپے کمی ریکارڈ کی گئی ہے۔
آل پاکستان صرافہ جیمز اینڈ جیولرز ایسوسی ایشن کے مطابق جمعرات کو 800  روپے  کمی کے بعد ملک میں سونے کی فی تولہ قیمت 5 لاکھ 5 ہزار 562 روپے ہوگئی ہے جبکہ گزشتہ دن اس کی قیمت 5 لاکھ 6 ہزار 362 روپے ریکارڈ کی گئی تھی۔  

حالیہ اضافے کے بعد 10 گرام سونے کی قیمت میں بھی 686 روپے کمی آئی ہے جس کے بعد اس کی نئی قیمت 4 لاکھ 33 ہزار 437 روپے ہو گئی۔

اسی طرح 22 قیراط سونے کے 10 گرام کی قیمت 3 لاکھ 97 ہزار 331 روپے ہو چکی ہے۔

دوسری جانب آج فی تولہ چاندی کی قیمت میں بھی 30 روپےکمی ریکارڈ ہوئی  ہے جس کے بعد اس کی نئی قیمت 9 ہزار 903 روپے ہو گئی۔ اسی طرح 10 گرام چاندی کی قیمت 8 ہزار 490 روپے ہو چکی ہے۔

ایسوسی ایشن کے مطابق بین الاقوامی مارکیٹ میں فی اونس سونے کی قیمت میں بھی 8 ڈالر کمی دیکھنے میں آئی ہے، جس کے بعد اس کی نئی قیمت 4 ہزار 832  ڈالر ہو چکی ہے اور اسی طرح فی اونس چاندی کی نئی قیمت 94.28 ڈالر ریکارڈ ہوئی ہے۔