کویت پر ڈرونز اور میزائلوں کا حملہ، خطرے کے سائرن بھی بجائے گئے

کویت کے فضائی دفاعی نظام کی جانب سے پیر کو ملک میں آنے والے مختلف میزائلوں اور ڈرونز کو نشانہ بنایا گیا۔
عرب نیوز نے کویت کی سرکاری نیوز ایجنسی ’کونا‘ کے حوالے سے بتایا ہے کہ ’ملک کے مختلف علاقوں میں خطرے کے سائرن بھی بجائے گئے‘، تاہم اس حوالے سے مزید تفصیلات فراہم نہیں کی گئیں۔
کویتی فوج کے ہیڈکوارٹرز نے سوشل میڈیا پر جاری بیان میں کہا کہ ’فضائی دفاعی نظام کی جانب سے ڈرونز اور میزائلوں کو روکنے کے لیے کی گئی کارروائی کی وجہ سے دھماکوں کی آوازیں سنائی دیں۔‘
اسی بیان میں شہریوں سے اپیل کی گئی ہے کہ وہ متعلقہ حکام کی جانب سے جاری کی گئی سکیورٹی اور حفاظتی ہدایات پر عمل کریں۔
گذشتہ ہفتے بھی کویت پر ڈرون اور میزائل حملہ کیا گیا تھا، جس کا الزام کویت نے ایران پر عائد کیا تھا۔ کویتی حکام نے اس حملے کو ’خطرناک کشیدگی‘ قرار دیا تھا۔