دوسرا ون ڈے: آسٹریلیا کا پاکستان کو جیت کے لیے 232 رنز کا ہدف

تین میچز پر مشتمل ون ڈے سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دیا ہے۔

منگل کو لاہور کے قذافی سٹیڈیم میں آسٹریلیا نے مقررہ 50 اوورز میں نو وکٹوں کے نقصان پر 231 رنز بنائے۔

اس سے قبل پاکستان کے کپتان شاہین آفریدی نے ٹاس جیت کر بولنگ کا انتخاب کیا تھا۔

لاہور میں کھیلے جارہے میچ میں پاکستان ٹیم میں کوئی تبدیلی نہیں کی گئی ہے جبکہ آسٹریلوی ٹیم میں ایک تبدیلی ہوئی ہے۔

آسٹریلیا نے بلی سٹینلیک کی جگہ ایڈم زمپا کو ٹیم میں شامل کیا ہے۔

یاد رہے کہ پاکستانی ٹیم کو تین ون ڈے میچز کی سیریز میں 0-1 کی برتری حاصل ہے۔

سنیچر کو پنڈی کرکٹ سٹیڈیم میں کھیلے گئے پہلے میچ میں پاکستانی ٹیم نے پانچ وکٹوں سے باآسانی فتح حاصل کی تھی۔

پاکستان کی پلیئنگ الیون

پاکستان کی پلیئنگ الیون میں صاحبزادہ فرحان، معاذ صداقت، بابر اعظم، عرفات منہاس، سلمان آغا، غازی غوری (وکٹ کیپر)، عبدالصمد، شاداب خان، شاہین شاہ آفریدی (کپتان)، حارث رؤف اور ابرار احمد شامل ہیں۔

آسٹریلیا کی پلیئنگ الیون

آسٹریلیا کی پلیئنگ الیون الیکس کیری، میتھیو شارٹ، جوش انگلس (وکٹ کیپر اور کپتان)، مارنس لبوشین، کیمرون گرین، میٹ رینشا، اولیور پیک، میتھیو کوہنیمن، نیتھن ایلس، تنویر سنگھا اور ایڈم زمپا پر مشتمل ہے۔