ریاض فورم میں 500 سے زیادہ شعبۂ صحت کے رہنما شرکت کریں گے

گلوبل ہیلتھ ایگزیبشن نے اپنے 2026 کے کانفرنس پروگرام کے لیے مقررین کا اعلان کر دیا ہے جس میں ہیلتھ کیئر سسٹمز، کلینیکل انوویشن، ڈیجیٹل ہیلتھ اور سرمایہ کاری جیسے موضوعات شامل ہیں۔

سعودی پریس ایجنسی (ایس پی اے) کے مطابق یہ تقریب 26 سے 29 اکتوبر تک ریاض کے شمال میں واقع ملہم کے ریاض ایگزیبشن اینڈ کنونشن سینٹر میں منعقد ہوگی جس میں چار کانفرنس سٹیجز پر 500 سے زیادہ مقررین شامل ہوں گے۔

لیڈرز سمٹ میں سینیئر ایگزیکٹیوز، پالیسی ساز اور شعبہ صحت کے رہنما شرکت کریں گے جہاں صحت کے نظام، مصنوعی ذہانت، جدت، نظام کی پائیداری اور طبی خدمات کی فراہمی میں ہونے والی تبدیلیوں پر تبادلہ خیال کیا جائے گا۔ اس میں بیماریوں کے علاج کے بجائے بچاؤ اور طویل مدتی صحت کی جانب بڑھتے رجحان پر بھی گفتگو ہوگی۔

مقررین میں جی ای ہیلتھ کیئر کی چیف کمرشل اینڈ گروتھ آفیسر کیتھرین ایسٹریمپس، جو کمپنی کے 14.5 ارب ڈالر کے گلوبل مارکیٹس ریجن کی قیادت کرتی ہیں، اور جی ایس کے کے چیئر اور جينومکس انگلینڈ کے سابق چیئرمین جوناتھن سیمنڈز شامل ہیں۔

میڈیکس فورم کلینیکل انوویشن پر توجہ مرکوز کرے گا جس میں جدید علاج، پیش گوئی کی تشخیص اور اے آئی سے فعال ابتدائی پتہ لگانے کے طریقے شامل ہیں۔

مقررین میں امپیریل کالج لندن میں برٹش ہارٹ فاؤنڈیشن کے کارڈیو ویسکولر اے آئی کے چیئر پروفیسر ڈیکلن او ریگن اور کولمبیا یونیورسٹی میں بائیو میڈیکل انجینئرنگ کے پروفیسر ڈاکٹر سیموئل سیا شامل ہیں جن کے کام میں پوائنٹ آف کیئر ٹیسٹنگ کے لیے پورٹیبل تشخیصی ٹیکنالوجی شامل ہے۔

ڈیجیٹل ہیلتھ فورم ہیلتھ کیئر میں اے آئی، کنیکٹڈ کیئر اور ڈیٹا کے بنیادی ڈھانچے کے استعمال کا جائزہ لے گا۔

مقررین میں بارٹس ہیلتھ این ایچ ایس ٹرسٹ کے کنسلٹنٹ سرجن پروفیسر شافی احمد اور فقیہ کیئر گروپ کی گروپ سی آئی او ڈاکٹر تمارا سنبل شامل ہیں، جو ہمز مڈل ایسٹ کمیونٹی کی چیئر بھی ہیں اور گلوبل ڈیجیٹل ہیلتھ پارٹنرشپ ایویڈنس اینڈ ایولیوشن ورک سٹریم کی شریک چیئر ہیں۔

کیپٹل ایکسچینج فورم ہیلتھ کیئر سرمایہ کاری پر مرکوز ہوگا جس میں سعودی مارکیٹ میں شمولیت، براہِ راست غیر ملکی سرمایہ کاری، سرمائے کی تشکیل اور ابھرتی ہوئی ٹیکنالوجی شامل ہیں۔

مقررین میں سوفٹ بینک وژن فنڈ کے انویسٹمنٹ وائس پریذیڈنٹ انتھونی کلندجیان، بلیک سٹون ہیلتھ کیئر اینڈ لائف سائنسز کے پرنسپل وشوا مہتا، اور میو کلینک کے چیئرمین کارپوریٹ ڈویلپمنٹ ڈاکٹر سامی یوسف شامل ہیں۔

تحالف کی ایگزیکٹو وائس پریذیڈنٹ ریچل سٹرجیس نے کہا کہ ’سعودی عرب طویل مدتی شعبے کو نئی شکل دینے کے عزم اور سرمایہ کاری کے ساتھ ایک غیر معمولی رفتار سے ہیلتھ کیئر کو بدل رہا ہے۔ اس گفتگو کا حصہ بننے کے لیے ریاض آنے والے لیڈرز کا معیار یہاں موجود مواقع کے پیمانے کو ظاہر کرتا ہے۔‘

انہوں نے مزید کہا کہ ’یہ تقریب اس عالمی مہارت کو مملکت کے مرکز میں لاتی ہے جس سے دنیا کے ہیلتھ کیئر لیڈرز کے لیے سعودی عرب کی تبدیلی سے جڑنے، سیکھنے اور اس میں اپنا حصہ ڈالنے کا ایک پلیٹ فارم بنتا ہے۔‘