سونے سے ایک گھنٹہ پہلے موبائل فون سے دور رہنا کیوں اہم ہے؟

بہت سارے لوگ طویل عرصہ تک نیند میں خلل (بےخوابی) کا شکار رہتے ہیں، اس پر قابو پانے کے لیے ماہرین صحت  پانچ طریقے بتاتے ہیں ان طریقوں پر عمل کرکے بے خوابی کی مشکل سے نجات پائی جاسکتی ہے۔

موبائل کو دور کردیں

 ماہرین کا کہنا ہے کہ بستر پر جانے سےمحض ایک گھنٹہ پہلے موبائل ڈیوائس کا استعمال روک دینا بے خوابی کو دور کرنے میں مدد فراہم کرسکتا ہے۔

تحقیق سے پتہ چلتا ہے کہ سونے سے پہلے صرف ایک گھنٹہ کے لیے موبائل فون کا استعمال روکنا نیند کو بہتر کرنے اور نیند آنے میں معاون ہوتا ہے۔

طویل قیلولہ کرنا

ضرورت سے زیادہ قیلولہ کرنا، اور طویل وقت تک سوتے رہنا رات میں نیند پر اثر انداز ہوتا ہے۔ ماہرین کے مطابق  قیلولہ کا بہترین وقت دوپہر 2 سے 3 بجے کے درمیان ہوتا ہے۔

کمرے کا درجہ حرارت  کنٹرول کرنا

 ماہرین کا کہنا ہے کہ بیڈروم کے لیے زیادہ سے زیادہ درجہ حرارت 15.5 اور 19 ڈگری سینٹی گریڈ کے درمیان ہونا چاہیے، خواہ سردیوں کا موسم  ہی کیوں نہ ہو۔

جرابیں پہننا

 آرام دہ جرابیں پہننے سے پاؤں گرم رہتے ہیں جو خون کی گردش میں اضافہ اور خون کی رگوں میں وسعت پیدا کرتی ہیں۔ نتیجے کے طور پر جسم کا درجہ حرارت زیادہ آسانی سے گر تا ہے، جو نیند کے لیے اچھا ہے۔

ورزش

 ورزش نہ صرف آپ کی شکل  وصورت کو بہتر رکھنے کے لیے ضروری ہے، بلکہ یہ بے خوابی پر قابو پانے میں بھی مددگار ثابت ہوتی ہے۔