ولی عہد کی عمران خان کو دعوت، اسلام آباد میں طوفانی بارش، کشمیر اور سیالکوٹ الیکشنز، گذشتہ ہفتے کی پاکستان سے اہم خبریں
ولی عہد کی عمران خان کو دعوت، اسلام آباد میں طوفانی بارش، کشمیر اور سیالکوٹ الیکشنز، گذشتہ ہفتے کی پاکستان سے اہم خبریں
ہفتہ 31 جولائی 2021 0:04
سعودی ولی عہد شہزادہ محمد بن سلمان کی دعوت پر پاکستانی وزیراعظم عمران خان رواں سال اکتوبر میں مڈل ایسٹ گرین انیشیٹیو سمٹ میں شرکت کریں گے، اسلام آباد میں طوفانی بارشوں کے بعد سیلابی ریلے گھروں میں داخل ہوگئے جبکہ کشمیر اور سیالکوٹ انتخابات میں پی ٹی آئی کامیاب رہی، اس کے علاوہ گذشتہ ہفتے پاکستان میں کیا اہم خبریں رہیں، دیکھیے چند جھلکیاں:
عمران خان ولی عہد کی دعوت پر گرین پیس کانفرنس میں شرکت کریں گے
جمعے کو وزیراعظم آفس کی جانب سے جاری کردہ بیان کے مطابق سعودی سفیر نے وزیراعظم عمران خان کو ولی عہد شہزادہ محمد بن سلمان کی جانب سے ’مڈل ایسٹ گرین انیشیٹیو‘ کے موضوع پر کانفرنس میں شرکت کی دعوت دی جو اکتوبر 2021 میں سعودی عرب میں منعقد ہوگی۔
محمد علی سدپارہ سمیت لاپتہ تین کوہ پیماؤں کی لاشیں مل گئی ہیں(فوٹو ٹوئٹر)
ای الیون میں نالے پر تجاوزات کرنے والوں کے خلاف کارروائی کا فیصلہ
وفاقی وزیر برائے منصوبہ بندی اسد عمر کی زیر صدارت اسلام آباد میں بارشوں کی موجودہ صورتحال اور نقصانات کے بارے میں اجلاس ہوا جس میں وزیراعظم کے معاون خصوصی برائے سی ڈی اے علی نواز اعوان، چیف کمشنر اسلام آباد، ڈپٹی کمشنر اسلام آباد، عوامی رابطہ کمیٹی کے ریجنل کنوینیئر جمشید مغل اور کنوینیئر این اے 54 قاضی تنویر نے شرکت کی۔
’ساجد سدپارہ نے کے ٹو پر والد کے جسدِ خاکی کو محفوظ کیا اور فاتحہ پڑھی‘
پاکستانی کوہ پیما ساجد سدپارہ نے کہا ہے کہ ’انہوں نے کے ٹو پر لاپتہ ہونے والے اپنے والد معروف کوہ پیما علی سدپارہ کے جسدِ خاکی کو تنہا تلاش کیا اور بوٹل نیک سے کیمپ فور تک لے کر آئے۔‘
’ملزم کے والدین بروقت اطلاع دیتے تو نور مقدم کی جان بچ سکتی تھی‘
سینیٹ کی قائمہ کمیٹی برائے انسانی حقوق نے سابق پاکستانی سفیر شوکت مقدم کی صاحبزادی نور مقدم کے قتل کیس میں ملزم ظاہر جعفر کے والد ذاکر جعفر اور ان کی اہلیہ عصمت آدم جی کا نام پروویژنل نیشنل آئیڈینٹی فیکیشن لسٹ (پی این آئی ایل) میں شامل کرنے کی سفارش کردی ہے۔
اسلام آباد میں کیا ہوا، انتظامیہ کی ’غفلت‘ یا کلاؤڈ برسٹ؟
اسلام آباد کے بعض علاقوں میں سیلابی صورتحال کے بعد امدادی کارروائیاں جاری ہیں لیکن اس کے ساتھ سوشل میڈیا پر یہ تنازع شروع ہو گیا ہے کہ آیا اتنا نقصان انتظامیہ کی جانب سے برساتی نالوں کی بروقت صفائی نہ کرنے کے نتیجے میں ہوا یا اچانک کلاؤڈ برسٹ اس کی وجہ بنا۔
