اقامہ ہولڈرز کے لیے ویکسین کی شرائط، ترسیلات زر میں کمی اور شدید گرمی میں برفباری سمیت گذشتہ ہفتے سعودی عرب میں کیا ہوا؟
اقامہ ہولڈرز کے لیے ویکسین کی شرائط، ترسیلات زر میں کمی اور شدید گرمی میں برفباری سمیت گذشتہ ہفتے سعودی عرب میں کیا ہوا؟
اتوار 5 ستمبر 2021 0:00
مملکت میں سکول دوبارہ کھل گئے ہیں۔ (فوٹو: اے ایف پی)
سعودی عرب میں گذشتہ ہفتے سکول دوبارہ کھل گئے ہیں جبکہ سکولوں میں موبائل فونز کے استعمال پر مکمل پابندی عائد کر دی گئی ہے، اندرون ملک پروازوں میں سماجی فاصلہ ختم ہوا جبکہ غیرملکیوں کے ترسیلات زر میں کمی دیکھی گئی۔ اس کے علاوہ گذشتہ ہفتے سعودی عرب میں کیا ہوا؟ جانیے گذشتہ ہفتے کی چند اہم خبریں۔
بیرون مملکت مقیم اقامہ ہولڈرز کے لیے ویکسینیشن کی شرائط کیا؟
سعودی وزارت صحت کی جانب سے مملکت سے باہر گئے ہوئے اقامہ ہولڈرز تارکین کے لیے مشروط ویکسی نیشن کے حوالے سے جاری ہدایات میں کہا گیا ہے کہ وزارت کی ویب سائٹ www.moh.gov.sa پر مملکت سے باہر رجسٹریشن کی سہولت فراہم کی گئی ہے۔
35 سال بعد سعودی خاتون کو پتا چلا اس کے والدین کوئی اور ہیں
سعودی عرب میں مکہ مکرمہ کی ایک خاتون کو 35 برس بعد پتا چلا کہ وہ کسی اور کی بیٹی ہے۔ نجی ہسپتال میں پیدائش کے وقت اسے بدل دیا گیا تھا۔ اس کا تعلق ایک خوش حال اور امیر گھرانے سے تھا۔ ہسپتال نے غلطی سے اسے ایک غریب اور نادار خاندان کے حوالے کردیا جبکہ نادار خاندان کی بچی کو امیر خاندان کے سپرد کردیا گیا تھا۔
ڈی پورٹ ہونے والے کارکن کو نئے ویزے پر بلایا جا سکتا ہے؟
سعودی عرب میں غیر ملکیوں کے لیے اقامہ اور رہائشی قوانین واضح ہیں جن پرعمل کرنا سب کے لیے لازمی ہے۔ آجر اور اجیر کے حوالے سے بھی قوانین موجود ہیں ان سے آگاہی ضروری ہے۔
تجارتی مراکز اور مالز پر کورونا ایس اوپیز کی تین نئی پابندیاں
سعودی وزارت داخلہ کے باخبر ذرائع کا کہنا ہے کہ کورونا سے بچاو کی احتیاطی تدابیر کے حوالے 29 رمضان کو جو ضوابط جاری کیے گئے تھے ان میں مزید تین ضوابط کا اضافہ کیا گیاہے۔
میدان عرفات میں اتوار کے روز انتہائی گرمی ریکارڈ کی گئی ہے۔ (فوٹو: اے ایف پی)
بھائی یا بہن کی وفات پر پانچ دن کی چھٹی کارکن کا حق ہے؟
سعودی وزارت افرادی قوت و سماجی بہبود نے کمپنیوں اور اداروں کے ملازمین کے لیے بیوی، ماں باپ جیسے قریب ترین رشتہ داروں کی وفات پر 5 دن کی چھٹی بمعہ تنخواہ ان کا حق ہے۔
اندرون ملک پروازوں میں اب تمام نشستیں استعمال ہوں گی۔ (فوٹو: ایس پی اے)
شدید گرمی میں السودہ کے پہاڑی علاقے برف سے ڈھک گئے
سعودی عرب کے تمام علاقے ان دنوں شدید گرمی کی لپیٹ میں ہیں۔ کوئی علاقہ ایسا نہیں جہاں جھلسا دینے والی گرمی کی لہر نہ آئی ہوئی ہو لیکن عسیر ریجن کا ابہا شہر اس کے بعض قریے خصوصا السودۃ کا پہاڑی علاقہ اس سے مستثنی ہے۔
