سیاحتی ویزے، عمرہ زائرین کی تیاری اور سفری پابندیوں میں نرمی سمیت گذشتہ ہفتے سعودی عرب میں کیا ہوا؟
سیاحتی ویزے، عمرہ زائرین کی تیاری اور سفری پابندیوں میں نرمی سمیت گذشتہ ہفتے سعودی عرب میں کیا ہوا؟
اتوار 1 اگست 2021 0:06
سعودی عرب میں مخصوص ممالک کے شہریوں کے لیے سیاحتی ویزوں کی بحالی، غیرملکی عمرہ زائرین کی آمد اور سفری پابندیوں میں نرمی کی خبریں گذشتہ ہفتے شہ سرخیوں میں رہیں۔ اس کے علاوہ سعودی عرب سے اہم خبریں کون سی رہیں؟ جانیے گذشتہ ہفتے کی چند اہم خبریں۔
سیاحتی ویزے پر 49 ممالک کے شہری سعودی عرب آسکتے ہیں
سعودی عرب نے 49 ممالک کی فہرست جاری کی ہے جہاں کے شہری سیاحتی ویزے پر آسکتے ہیں۔
’ضوابط کے تحت سعودی عرب کے دروازے اتوار یکم اگست سے سیاحوں کے لیے کھول دیے جائیں گے‘ (فائل فوٹو: روئٹرز)
سعودی جنرل اتھارٹی آف سول ایوی ایشن (جی اے سی اے) نے سرکاری و تمام نجی ایئرلائنز کے لیے مملکت سے باہر جانیوالے شہریوں کے سفر کے طریقہ کار کو اپ ڈیٹ کرنے کے لیے ایک نیا سرکلر جاری کیا ہے۔
’12 سال سے کم عمر مسافروں کے لیے منظور شدہ انشورنس دستاویز پیش کرنا ضروری ہیں‘ (فائل فوٹو: روئٹرز)
ایسٹرازینکا ویکسین کے خاص سائیڈ ایفیکٹ نہیں: سعودی ماہرین
سعودی عرب میں سیکریٹری صحت عبداللہ عسیری نے بتایا ہے کہ سعودی سکالرز نے ایسٹرازینکا ویکسین کے حوالے سے بتایا ہے کہ ’یہ کورونا وائرس لگنے پر شدید تکلیف سے بچاتی ہے۔ یہ موثر اور بے ضرر ہے‘۔
سکالرز نے یہ نتیجہ بھی اخذ کیا کہ ’ویکسین کی ایک خوراک 67 فیصد تک وائرس سے بچانے میں موثر ہے‘ (فائل فوٹو: روئٹرز)
بیوی کے سفر کے لیے اجازت نامہ ضروری نہیں: ابشر سروس
ابشر سروس انتظامیہ نے کہا ہے کہ بیوی کے سفر کے لیے اجازت نامہ جاری کرنے کی ضرورت نہیں کیونکہ اجازت نامہ ان افراد کے لیے جاری کیا جاتا ہے جن کی عمریں 21 سال سے کم ہیں۔
’21 سال سے زیادہ عمر کے افراد بیرون ملک جانا چاہیں تو ان کے لیے اجازت نامے کی ضرورت نہیں‘ (فائل فوٹو: عاجل)
غیر قانونی تارکین کی مدد پر 15 سال قید اور 10 لاکھ ریال جرمانہ
سعودی عرب میں محکمہ امن عامہ نے خبردار کیا ہے کہ جو شخص بھی کسی بھی شکل میں غیر قانونی تارکین کو سعودی عرب میں داخل ہونے کی سہولت فراہم کرے گا اسے پندرہ 15 تک قید اور 10 لاکھ ریال جرمانے کی سزا ہوگی۔
کسی بھی نئی خاتون ڈرائیور کے لیے ایک بہترین کار کا انتخاب کرنا خاص طور پر الجھن سے بھرپور اور کافی مشکل تجربہ ہوسکتا ہے جبکہ کار کی ملکیت کے بعد آنے والی پریشانیوں سے نمٹنا اور بھی زیادہ پریشان کن ہوسکتا ہے۔
سعودی عرب میں 2030 تک سالانہ 100 ملین سیاح لانے کا ہدف
مملکت کی ٹورزم اتھارٹی نے 2019 میں ابتدائی مرحلے میں 49 ممالک میں سیاحتی ویزا پروگرام شروع کیا تھا اور الیکٹرانک یا مملکت میں داخلے کے مقامات کے ذریعے مخصوص ریگولیٹری کنٹرول میں سیاحتی ویزوں تک رسائی کی سہولت فراہم کی تھی۔
